جديع الخمشي

[align=center]


يا رجم عديتـك





يا رجم عديتـك وعدابـي البيـن
والقلب في راسـك تبيّـح كنينـه
الله لا يسقـي مفاليـك عاميـن
ذكرتني براعي الطباع الحسينـه
مرحوم يا اللي جهزوا يوم الأثنين
العصر من فوق النعش شايلينـه
حطوا على خلي من الطين زافين
حطوا عليـه اللبـن وملحدينـه
يا ليت كفي حدر خده عن الطيـن
والكف الآخر فوق صافي جبينـه
أو ليت يومي قبل يومه بيوميـن
ولا المرض ما بيننـا قاسمينـه
لا يا حياة الشر عقب أريش العين
لا وهنـي مـن شافنـا تابعينـه
قالوا علامك عشرك اليوم ثنتيـن
قلت اعذروني زين الأطباع وينـه
قالوا تخيّـر بالبنـات المزاييـن
قلت كل العذارى غيرها منكرينـه
قالوا عجوز وقلت وافالكم شيـن
الخمس والعشرين قيمـة سنينـه
وجدي عليها وجد راعي بعاريـن
أمسى خلاوي والسرق حايفينـه
هن راس ماله واشلعوهن شياطين
وأصبح على الجرة يفرك يدينـه
أو وجد من لحقوه طلابة الديـن
صكت عمـي القايلـه لاحقينـه
لحقوه عصمان الشوارب مغنييـن
وتشاوحوه بكـل شلفـا سنينـه [/align]

بيض الله وجهك


يااخي المبدع محسن خلف

صح لسانك


انت اخي محسن

قصيدة جميلة واختيار رائع ...محسن شكرا لك

بارك الله فيك

قصيدة رائعة

الله يبارك فيكم جميعاا



وصحت ابدانكم


ومشكورين على المرور



،،،،

قصيده جميله .... شكرا لناقلها وشاعرها

محمد الماجدي


صح بدنك


ومشكور على المرور



عطرت صفحتي برائحة قلمك الزكيه



دمت بحفظ الله