تجارب الاصدقاء ( ياخلف قل لناصر جدد المهرجاني )

ياخلف قل لناصر جدد المهرجاني
بين المزح ماهومثل حرب البسوسه
بينا الهرج يدمح لابنينا المعاني
ماعلينا من اللي راسبن في دروسه
ماعلينا من اللي يقلب العلم ثاني
والهواء عارفينه لاتقلب بكوسه
لادخلنا بسوق الشعر جبت السماني
اكحل العين واعميها واطير انعوسه
وهبة من ولي العرش ربي عطاني
يوم بعض الملا باع الشعر في فلوسه
ياخلف شعرنا ماروث جيته وجاني
ماشهرته لاحين انه نمتلي اضروسه
يوم كلن يغني بالبحر دان داني
ازنه ياخلف عن كل شين يحوسه
واجد الشعر مير الشعر حفظ اللساني
مير هرجن لفاني حط براس هوسه
ولا نفضل على الشعار قاصي وداني
ومن تهاون بقدر الناس لازم تدوسه
يالله انك تجير الناس من كل جاني
واختم القيل باللي عالمن في نفوسه