شمحاط

التي وصفت بانها معلقه في الشعر النبطي
للشاعر : مــطــلق بن سالم الاصقه البناقي
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] امس الضحى وايقت انا راس شمحاط=
شمحاط ماكر للحرار المنابيط
يوم ارقبه رجمن على القاع مبســـاط=
عمردٍ راسه طويل ٍ وشمحيــط
متــشلدٍ عنــــه الـــــمراقــيب هبــاط=
مشليدٍ عنه المراقــب مهابيـط
وقلبي يوادبني على راس مـــــاناط=
بي راس مزبور(ن) عسيرالمشابيط
عيني تراعي يوم الاضعان غبــــاط=
ودموعها من فوق خدي هوابيط
خبري بهم هفو ورا حايطٍ(ن) حــــــاط=
والقاع تزمي دون الاضعان وتحيط
وجدي عليها وجد من طاح برباط=
بي مخفر الدوله قضيبٍ بتربـــــيط
والا وجود اللي ضرب له بمخــباط=
حداه بخشـوم البنادق مخابــــيط
بقفاية الغاره غدا ساقه اسقــــاط=
متوسطٍ من ممتن الساق توسيط
عليك ياللي لاشقر الراس مشاط=
عليك انا لأ اشعط الثوب تشعيط
عليك انا لشعط الثوب بعيـــــــاط=
وقول قلبي فرا الجيب واعيــط
النهد بيض دجيجــاتٍ بسيبـــاط=
مرفعات الثوب بيض ٍ مشانيط
والخد براق ٍ من المزن مشعاط=
بخشوم غر ٍمدوبحاتٍ وهن عيط[/poem]
وسلامتكم،،،

صح لسان الشاعر مطلق الاصقه

وهو بلا شك شاعر معروف ولشعره صيت بين الناس

وتسلم يمينك يا بن المليحاء

صح لسان الشاعر الغني عن التعريف

وتسلم على النقل يابن المليحاء

صح لسان الشاعر الكبير مطلق الاصقه


وتسلم يمناك على مانقلت . اشكرك

اقتباس المشاركة الأصلية كتبت بواسطة ابو راشد بن بشيت صح لسان الشاعر الغني عن التعريف وتسلم على النقل يابن المليحاء

الشاعر مطلق الاصقه شاعر كبير وغني عن التعريف
وقصيدته مشهوره ومتداوله بين الكثير من الناس
ابن المليحاء تسلم يمينك على نقل هذه القصيده المشهوره لهذا الشاعر الكبير