أبو متعب عزنا في وطنا =عدل الميلات أبو عقال مايل

مصافحه أولى وأتمنى أن تنال إعجابكم

ومهما كتبنا في الوطن لن نوفية حقة . أدام الله هذا الوطن ,,, وأدام حكامة آل سعود .

[poem=font="mateen,6,green,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ياوطنا من طمع فيك جنا =في صباح العيد شاف الهوايل


قادنا شيخاُ وسيفه محنا =رد عنها كل طامع وعايل


مايروح اللي بغيناه منا =نحضر الهيه ونجني الحصايل


يوم جاه القصف منا ومنا =وأوشك إن الدار والحكم زايل


لين جر بعالي الصوت ونا =يطلب الرحمة ولاله بدايل


ماحصل للمعتدي ماتمنا =نصعد الامجاد والحكم طايل


ياوطنا من زبنا زبنا =مايروح الحق والسيف مايل


الله اللي عاننا يوم عنا =سطر التاريخ مجد وفعايل


والخطاوي ثابته لامشنا =يوم كلاً نازلاً ومتمايل


نتكل باالله وفيه استعنا =وإن حكينا قولنا له فعايل


يادفاتر دوني فيه عنا =حكمنا بين السعود الأصايل


مادرا بي ساهراً وأتغنا =ليت يسمع من كتب فيه قايل


أبو متعب عزنا في وطنا =عدل الميلات أبو عقال مايل


وإن تكلم كلمته ماتثنا =والصدى يسمع من جبال حايل


ياوطنا ياوطن ماوطنا =سقت من حبك جزيل المثايل


زايداً وصفك عن البيض فنا =يابلاد الدين مجد الرسايل


والصحاري لاضمينا رونا =نشرب ترابك نهار القوايل


من يعادينا خواته بكنا =شعطن ثيابهن والجدايل


كان شان المعتدي حيل شنا =ضربنا يشفي لهيب الغلايل


ياوطنا للمعادين حنا =يوم ولد اللاش مامن صمايل
[/poem]

،،، وسلامتكم ,,,

أخوكم الشاعر /
طلال بن عواد السعدي

صح لسانك ويستاهل ابومتعب0بارك الله فيك ابو شنـــــــب

الأخ العزيز / الملا صح بدانك وعلا شانك .

يسعدني مرورك على القصيدة .

ودمت بعز ومعزة .

صح لسانك وعلا شانك ... قصيدة في قمة الجمال

مبدع يابو عواد .... ننتظر جديدك

الأخ العزيز / زعيم الملتقى صح بدانك وعلا شانك .


يسعدني مرورك على القصيدة .


ودمت بعز ومعزة .

صح لسانك ، قصيدة جزلة

ويستاهل وطننا الحبيب


فعلا أنت مكسب لنا يا شاعرنا الجديد طلال السعدي

فأهلا بك مليون وزيادة

الأخ العزيز / خلف المهدي صح بدانك وعلا شانك .

الله يسلمك من كل شر وكل الشكر لك على تأسيس المنتدى الذي يحمل أسم قبيلة عريقة ونفخر بماضيها وحاضرها المشرق .


ويشرفني إنضمامي لهذة الكوكبة من النجوم ,,, يسعدني مرورك على القصيدة .


ودمت بعز ومعزة .

الأخ العزيز والمبدع والمتألق في هذا المنتدى / falah صح بدنك .



ويشرفني مرورك على القصيدة التي زدتها جمال بنظرتك الخلابة .


ودمت بعز ومعزة .