صديق الرخى

اخواني اعضاء هذا المنتدى :
من السهل ان تجد صديق. ولكن من الصعب ان تجد الوفي
فعند الضيق تعرف الصديق وهاهي القصيده

[poem=font="arial,6,blue,bold,italic" bkcolor="transparent" bkimage="http://www.aljmeel.com/vb/mwaextraedit2/backgrounds/60.gif" border="double,4,skyblue" type=2 line=0 align=center use=ex num="0,black""]

الوقت لو يصفي معك مايدومي=كنك على صكات بقعى موصيه
مثل الحيامن مرزمات الغيومي=اليوم ريف وباكرالصيف قافيه
وناعلى مابي صبوروكتومي=اجحد خطا الصاحب بقلبي وخفيه
حتي خويي لويزل محشومي=ادراه لويخطي واجامل واخليه
والطيب للي بالجمايل جزومي=درب المراجل طامع ٍ به وشاريه
يجيك لايبست يدين الرخومي=كنك على ماصارلك متصل فيه
الطيب طبعه والوفاله سلومي=دون الرديه يرفعنه مباديه
الياجلس مع محمضين العلومي=تلقاه صندوق تفكه مهاجيه
وتلقاه ضل ٍعن لهيب السمومي=مثل القليب اللي توارد ضواميه
ثابت مثل نجم الجدي بالنجومي=تقطع به الليل وتهقوى وتسريه
يشوش لاصكت عليك الخصومي=وتبشربعزك لاتلاقن الاوجيه
ميرالبلااللي بين ليله ويومي=غيرمواقيفه وضيع مباديه
اللي تردى واعتذرعن لزومي=وخيب رجاي وسدباب المشاريه
وهورفيق ٍغالي ومحشومي=وناعلى كل الموالين مغليه
كنت احسبنه يوم جيته يقومي=واقضي واخلص حاجتي من يمانيه
ميرالردى عادة ردي العزومي=ان ماردى خاله تردى بناخيه
العذروالم والصحيح معدومي=تلقى مواريها قبل لاتحاكيه
مخباه عن نفع الرفيق محزومي=والطيب مجعوف الوثرمايدانيه
العفن عفنٍ ماظرى للنعومي=كان اوله ناقوط ينعاف تاليه
والحرعن درب الدنايا يشومي=والبوم بوم ٍ يجذبنه مجانيه
ان كان ماطالت يديه النعومي= الله يلعن حاضره قبل ماضيه[/poem]

صـــــح لسانكــ


الله يعطيك العافيهــ

[align=center] الشاعر الكبير : عيد الصعصاع
صح لسانك ولا هنت

عز الله أنك أبدعت

ما أقول الا يطول عمرك على الاختيار الجميل

يروق لي قصيدك يأبو مشيل دائما

في أنتظار جديدك بفارغ الصبر

لله درررك يا بطل

فمان الكريم
تحياتي ,,,,[/align]

أهلا بالسهل الممتنع

أهلا بجودة الشعر وأصاله المبدأ والمعنى

لاأعرف من أين أبدأ ومن أين سأنتهى

قصيده لها رنين, أكاد أحلق في السماء, من جرسها الموسيقي ,وعذوبة سمفونيتها .

بحرها جميل وقافيتها أجمل .. بالفعل رائعــه متكاملة النمو .. ونهرها نابع بالمفردات الأخــاذه التي تغرد لها المعاني طربا وشوقا .. كأن أبياتها تنادي : أيها القارىء .. أقبل وخذ فنجال الجزاله ,لتعرف أن للشعر مواقف وتجارب .

أخــي الشاعر هي بدايه بدأتها والنهايه ليست قريبه .. بل تركت للأخوه مساحة شاسعه للتعبير عن المشاعر وحرية الرأي .


v


أما الصديق :

عصفور باليد خير من عشرة على الشجرة .



ثم إنــي :

أنتظر ما ستأتــي به لاحقا إن شاء الله


مودتــــــــــــــي



الاســــــــــــــــد

الـعـذر والـم والصـحـيـح مـعـدومـي
تـلـقــى مـواريـهـا قـبــل لاتحـاكـيـه

عيـد لاتعبـت

ويش الجديد .. كبير والكبير الله

صح لسانك حتـى ترضـى

ولاخلآ ولا عدم

حـتـي خـويــي لـويــزل محـشـومـي
ادراه لويخـطـي واجـامــل واخـلـيـه


وكما هي عادتك وطبيعتك التي نعرفها ويعرفها من يعرف عيدالصعصاع عن قرب
هو رجل وليس كالرجال رجل يحب الجميع ويعشق الطيب وخوة النشامى عادة يتميز
بها والحقيقة انك تجده في حزة الفزعة واللازمة فلايعرف للاعتذار طريق ولم يغريه
مايكتبة من شعر لأن يكون مغرورا ويرى الناس من رجم هيال كعادتك بعض الشعراء.

اخي عيد يطيب لي أن أسميك عاصفة الشعر.

الياجلـس مـع محمضيـن العلـومـي
تـلـقـاه صـنــدوق تـفـكـه مهـاجـيـه

الله عليك ياعيد الصعصاع وكأنك ترسل صاروخ محمل بالرؤوس النوويه لينفجر في ساحة شعر الحداثة .... ماجمل الابداع الشعري على الطريقة النبطية الاصيلة

عيد الصعصاع

صح لسانك على هذه القصيده الجزله وياكثر خلان الرخاء في

ها لوقت الله يدفع البلا يعلهم ما يكثرون ....

تقبل مروري ودمت بود وعافيه

الشاعر/فهدالنصافي