جيب فكس آر

[poem=font=",5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
أتـمــنــى وأدري إن الـتـمـنّــي مـايـصـيــر=والـتـمـنــي ماذكـربـالـعـمـر ودا وجــــــاب

جيب في إكس آر توّه من المصنـع صديـر=تختصربـه نـازح البـيـد وتـعـدي الصـعـاب

جـاهـز ٍبـاأربـع تـوايـر وخامسـهـن سبـيـر=نقشةالمصنـع عليهـن مثـل روس الحـراب

فـل كـامـل يفـتـح النـفـس ويـسّـر النظـيـر=يختفـي مـثـل الشـبـح ويتـلاشـا بالـسـراب

طلّعـه وأشـرف عليـه المهنـدس والخبـيـر=يشتغل مع دقةالسلـف مـن دون إضطـراب

داخـلـيــه تكـنـلـوجـي وطـبـلـونـه مـثــيــر=وإنظـمـة مواصفـاتـه تـعـد مـــن الـعـجـاب

ناعـم ٍكشنـه مـن الجلـد الاصلـي والحريـر=ملمـسـه نـاعـم مـثـل خــد مجـلـي الـعـذاب

ان مشـا جـاك يتصلفـق لشكمـانـه صفـيـر=صلفقـة ورق ٍمـع الـريـع خاطفـهـا عـقـاب

اوكـمـا فــرخ ٍ دعـولـه وهـــدوه العـصـيـر=صـاح لـه راعيـه وأومالـه اللـوح الغـيـاب

أوكـمـا الـلـي بـالـمـدرّج تـهـيّـت للمـطـيـر=فوّضت من مجلـس الامـن ترمـي ماتهـاب

أوكـمــا مـــزن ٍ تـحــدر لــرعّــاده هــديــر=مـن هماليـلـه تـعـاوت محـاديـر الهـضـاب

ان حـدر تقـول دلـو ٍ هـوى فــي جــم بـيـر=أومخابيـط أخمـس ٍ طلّـعـوه مــن الـجـراب

إن عطيـتـه قــال بالأنجلـيـزي يـس0سـيـر=إرتفـع خشمـه وعبـر الاشـارات إستـجـاب

لوتـركـب لــه جناحـيـن مخـطـور ٍ يـطـيـر=الـحـذر يـامـروٌح اللـيـل شمـسـك لاتـغــاب

ان سرىتقطـع بـه الليـل باللـيـت القصـيـر=لون شمعاتـه كماالبـرق بخشـوم السحـاب

وأن نطـح واقبـل مـع الـدرب تحتاروتحيـر=وإن عرض من شعشعة نيكله تقرىالكتاب

تـاكـيـاً مـــع المـلـفـات والــخــط الـغـزيــر=يـاخـذ اللـفـه ســـوى ويـتـلـوى تـقــل داب

تـايـره لمصلفـحـات الحـصـى شـروشـريـر=دورتـه تعلـن علـى الارض ثـوره وإنقـلاب

إشتهـر بالشـرق الاوسـط وحطولـه سفيـر=وبالجزيـره مالغـيـره مـكـان مــن الـعـراب

مــاوزن بلـفـه وشّـيــك عـلـيـه ابوسِـمـيـر=الصناعه جت من العلـم ماجـت مـن كبـاب

فكـرتـه مـاهـي لنـوبـل ولامــن شكسـبـيـر=هندسه0فن0وصياغـة0تـوازن وإنـسـيـاب

مصـدره ماينسـب لجـورج بـوش ولابلـيـر=دولـة ٍ بالعلـم طـالـت طمـوحـات الشـبـاب

ومصـنـعـه سرإقتـصـادالـبـلاد المسـتـنـيـر=صـادراتـه تـرفـع الـيّـن وتـزيـد الـحـسـاب

هندستهـا معجـزه عـن بـلاد الـغـرب غـيـر=ثامـنـة سـبــع العـجـايـب نـهــارٍ مـايـغـاب

دولــة ٍ لـمـدوّر الــرزق فيـهـا كـــل خـيــر=مـــن سكـنـهـا مايـفـكـر بـهــم الإغـتــراب

والله إنــي ماركـبـتـه ولانـــي بـــه خـبـيـر=أمنـيـه وأطــرد وراهــا خـطـا0وإلاصـواب

والعمريقفـي ويقـبـل عـلـى جنـحـان طـيـر=واعــرف ان الادمــي مــاوراه إلا الـتــراب

أن ردى حظـك مـع الوقـت قـل بالامرخـيـر=جـل مـن يفتـح لـلارزاق بيديـه الـف بــاب

ولاأنـامـانـي مـشــاور سـمـيـر ولاسـمِـيـر=معـجـب ٍ بالجـيـب وأظــن مثـلـي مايـعـاب

خـابـرإنـه سّـيــد الـمــال والـجــاه الكـبـيـر=مـركـبـه قدر0ومقام0ومهابه0وإحـتـسـاب

غـالـي ٍ مايرخـصـه كــود سلـمـان الامـيـر=مـن ملـوك بـلادنـا الـلـي يفـكـون الـرقـاب

ياقـف بـوجـه الصعيـبـات وتــذل وتصـيـر=وللـعـلا يـاطـا عـلـى الـكـايـدات ولايـهــاب

من يديـن ٍتمسـح الدمـع عـن وجـه الفقيـر=تـقـدم وتــارد علـيـه الظـنـون ولا تـخــاب

وقفتـه توفـي بـهـا الـديـن وتـفـك الاسـيـر=نادر ٍمـن بيـن أهـل نجـد محشـوم الجنـاب

ألين من اللين وأقطع من السيـف الشطيـر=وأخطرمـن الناروأبـرد مــن زلال الـشـراب

وأطيـب مـن الطيـب وأحلاوألذمـن الغـديـر=واقدم من الذيب وأقوىمـن عـزوم الركـاب

ان بـغــا يعـطـيـك مايسـتـشـار ولايـشـيــر=ومن سعـى بالخير يجـزى بالأجر وبالثـواب[/poem]

للشاعر / عيد بن غنيم الصعصاع

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .
صح لسان الشاعر وبيض اللة وجهك امين المجلس

صح لسان الشاعر ويعطيك العافية يأمين المجلس

صح لسان ابومشيا شاعر مايحتاج شهادة

صح لسان الشاعر عيدالصعصاع



شـكــ وبارك الله فيك ـــرا لك ... لك مني أجمل تحية .

قصيدة جميلة من شاعر فذ