إن هذه القصيدة كتبتها في الشيخ زايد رحمه الله ونشرت في صحيفة هماليل الإماراتية

بـسم الله الـرحمن الـرحيم

الـسلام عــليكم ورحــمة الله وبـركااته

يقول........

في خاطري شيـ(ن)كتبته لقاريه
فيه القلم يكتب جزيل القصايد

احساس شاعر مايدور مشاريه
ماهو نفاق اعلام صحف وجرايد

سمح الجناب اللي بالبيات نرثيه
مدحه صحيح وجاك علم الوكايد

ياللي تحسب الطيب قصر(ن)وتبنيه
الطيب ساس ورث لشيخ زايد

الطيب مثل سهيل كلـ(ن)درا فيه
عسر(ن)على بعض المخاليق كايد

الطيب ياهل الطيب معروف راعيه
شيخـ(ن)لشعبه فيه ظل وسنايد

مضرب مثل للمجد والطيب حاويه
غيث القلوب اللي حدتها نكايد

شيخـ(ن)رحل كل الإمارات تبكيه
بقلوب كل الشعب مازال قايد

رمز الوفا والجود مدري وش اسميه
مير الاكيد انه على الطيب سايد

زايد فخر كل العرب تفتخر فيه
عساه في جنات الابرار زايد

الشاعر //""..سالم الطرقي الطرفاوي..""

صح لسانك .... شاعر متمكن وقصيدة جزلة ورحم الله الشخ زايد

شكرا لك

يستاهل الشيخ زايد رحمة الله عليه وعلى جميع اموات المسلمين نسأل الله ان يتجاوز عننا واياه وجميع المسلمين( والقصيده وافيه ماشاء الله
)

صح لسانك ... وعلا شأنك

قصيدة جزله من شاعر متمكن . وفقك الله

الله يرحم الشيخ زايد فقد كان منبعا للكرم والطيب

وصح لسانك

شاعر يختار الكلمة ويجيد قوة العبارة

لله درك

صـح السـآنك .. وعـلى شـآنك

قصـيده جزلـه

صح لساااانك وعلى شاانك

صح لسانك ورحم الله زايد