كم واحد(ن) عبارات صدره يكنها

بسمـ الله الرحمنـ الرحيمــ

السلام عليكم ورحمة الله وبركااته

ان هذه القصيده من احدى قصائدي القديمه واتمنا ان تنال اعجابكم

.................................

بـديت بالله عد مـاذعذ الهــوا
لاشي من دونه رجيت رجاه

الواحد الفرد الصمد خالق الملى
الخــالق الرازق رفيــع سماه

وخلاف ذا عبرت مكنون بالحشا
تعبير مكنون الــضميــر بداه

ياراكب اللي يسرق البعد لنطلق
يفز فزت من خـويــه نــخــاه

من سرعته ماميز الدرب سايقه
لاعـــــد طبلونه يــزيـد بــلاه

مرسول من شخصـ(ن)تزايد عبايره
مجروح من جور الزمان حشاه

يحمل سلامي عد حرف برسالتي
واعـداد مـاخـط الـجواب قـراه

او عد ماسالت من الوسم فيضه
عقب المحل وبل السحاب سقاه

البارحه ماطبق الجفن بالكرا
عزيل من جور الزمان وطاه

كم واحد(ن)عبرات صدره يكنها
عـقـب الوفـا صار العذاب جزاه

انا اشهد(ن)من طاع قلبه يضيعه
يـرمـيك لامـنـك تـبـعت هـواه

ياطول ماني صابر(ن)واتبع الرجا
اصـبر ولـو طــال الفراق بطاه

ليته يفكر ساعتـ(ن)يبري الحشا
ياسف لمـن حر الـعذاب كواه

كم ليلتـ(ن)باصدر كنيت عبيتر
كتمت سـدي لايـبـين خـفـاه

واليوم ابين لك من الاسم جملته
شخصـ(ن)تمكن بالضمير غلاه

اسمه تسمى جملت الناس كلها
لاجبت مضمونه عرفت غطاه

وبالختصار اشتاق لرد وانتضر
واغوص في بحر(ن)بعيد مداه


الشاعر/..... سالم الطرقي

صح السانك ورفع الله شانك00
انا اشهد(ن)من طاع قلبه يضيعه
يـرمـيك لامـنـك تـبـعت هـواه

صح لسانك وبيض الله وجهك

الشاعر / سالم الطرقي ,,,, صح لسانك ,, وعلا شانك .

قصيدة جزلة من شاعر جزل .

تقبل مروري ,, ودمت بعز ومعزة .

أخوك الشاعر / طلال عواد السعدي ( الأطلس )

قصيدة في قمة الجمال

احسنت على الطرق الرائع والطرح الجميل

وفقك الله

وصح لسانك

صح لسانك قصيدة مميزة ورائعة لأن شاعرها رائع

ولي عودة مرة أخرى للإستمتاع أكثر بالقصيدة الغير مملة

لك احترامي وتقدير شاعرنا القدير

صـح السـآنك وعـلى شـآنـك

قـصيـده جـزلـه

صح لسانك وبيض الله وجهك