لا صرت رجال معروف ~~ عبدالعزيز المحارب

الشاعر / عبدالعزيز سعيد محمد المحارب الجميلي


تشتت بعض الحروف

وتاه الخبر والمبتدا


لكنها رغم الظروف

لبا لها صوت الندا


من عاش بالدنيا يشوف

ان الزمن ماله مدا


ليا اتعبك طول الوقوف

روق واذا بالك هدا


مضمون رزقك دون خوف

ولايقطع الرزق حسدا


بعض الحكي خله يطوف

ماكل صوت له صدا


لا تخدعك كثر الطيوف

ولا تقتدي باللي غدا


وصكات بقعا والصدوف

تكشف صديقك والعدا


دنيا ولا فيها حسوف

غير العمل يترك سدا


كان التعب فيها مخلوف

افلحت بدروب الهدى


ومن يسمع لهرج الضعوف

يضيع عمره ما اقتدى


ولا صرت رجال معروف

لا تلتفت لاهل الردى


للجار حق وللضيوف

خلك كما ريح الندا


وبعض الظروف لها ظروف

ليا حداها اللي حدا


من ضاق به حمل الكتوف

يصبر ولو ماله جدا


يالغاليه يا ام الوصوف

فيك الحسن تاج وردا

انا فدالك يالهنوف

وكل الخلايق ما عدا


غير الحنونه والعطوف

لامي وابوي انتي فدا


هم دنيتي واللي اشوف

ساس الغلا منهم بدا


ذكرهم الرب الرؤوف

واوصى عليهم وارشدا

صح لسان أبو فهد

وتسلم على النقل يابو فهيد

ياسلام ابو فهد شاعر ماهو بسيط

الله يوفقه وصح لسانه

ومشكور ع النقل يابشير