قصيدة عن المقناص:،

بسم الله الرحمن الرحيم

السلام عليكم ورحمة الله وبركاتة

هذه قصيدة تعبر اشتياق اهل البر والمقناص لشوفت سهيل:،

القيض راح وبينت نجمت سهيــل _وزانت مطاليع الحرار المرابيط

والطير صـفا وكمـل الريـــــش تكميل_ جـزل الــهدد وافي وسـيع الـمخـاـبيط

ابيض نحر لمصافق الخرب حـلحيل _حر مصلط لابــرق الـريـش تـســليـط

طير الــهدد فخر الرجال المشــاكيل _والا الردي دون الوصل يقطع الخيط

وانا لـشوف الــبر مــتشفق(ن) حـيل _ومــفارق وجـية الرخــوم الــمغابـيط

لاجـيت لي في وادي(ن) داهله ســيل _عزالله انـه يـبـري الـجرح ويـخـيــط

وشـبيت ضـوي ثـم جبت الـمعامـيل_ صفر(ن) نــقلــطهــن على النار تــقـليط

يـــفوح مــنها ريـحة الـبن والــهيل_ فـي صــحصــن مانـتقي بالـمهــابيط

تــلقى لنا حول الــبرازي مـداهــيل _شرق من الخرماء على فيضة سويط

لاصـار سـاقيها حــقوق المــخاييل _غزاير(ن) مـاهي رشـاش ونـواقـــيط

نـاخذ بها عـن ضيقة الـوقت تبديل _والا الـعمر لاقفــى مــثل هــفة مقيط

وسلامتكم
الشاعر:سالم الطرقي