يالله لاتعود رجانا بالتلاف

بسم الله الرحمن الرحيم

السلام عليكم ورحمة الله وبركااته


يالله لاتعود رجانا بالتلاف
لاضاق صندوق المعاليق فضه

يامبدلـ(ن) حمل الثقيلات بخفاف
اليا اشتبك حبل الرجا لاتقظه

تجبر عزا قلبـ(ن) بدى يصخر القاف
مثل البحر صلف الهبايب تخضه

ساسي حجر ماني على حد ميهاف
بيطار قاف املك جواهر وفضه

والناس فيها اجناس وشكال وصناف
وراع الردى يقصر عن الطيب حضه

ياقلب مرقابك على راس مشراف
وقض النظر عن بعض الجناس قضه

لولاك ياقلبي ترى ماببي خلاف
من قض بك حبل الرشا فيه قضه

ادراك من كثر الهواجيس واخاف
اعصار جوك باب الاسرار هضه

ان هاذه الكلمات موجز مختصر من احدى قصائدي
ولكم مني جزيل الشكر
الشاعر \..سالم الطرقي..

صح لسااانك وعلا شانك

قصيدة في قمة الجمال ... كجمال الشاعر سالم الطرقي

ابن الطرقي شاعر جزل واضح من القصيده نفسها تعرف انه الشاعر جزل" صحك لسانك" والى الامام . تحياتي وتقديري لكم

صـح السـآنـك .. قـصيـده جـزلـه

اقتباس ساسي حجر ماني على حد ميهاف بيطار قاف املك جواهر وفضه

كفو والله والنعم

اقتباس والناس فيها اجناس وشكال وصناف وراع الردى يقصر عن الطيب حضه

صدقت

حكمة رائعة

صح لسانك من شاعر جزل

صح لسانك .......بارك الله فيك

قصيدة من الوزن الثقيل .... صح لسانك وعلا شأنك

قصيدة جدا رائعة ... صح لسانك