الـدنـيـا عـلـى حـالـهـا

سلام الله عليكم


قصيده متواضعه كــ مصافحه أولى


واتمنـى أحصل على ربع رضاكم







!!






[poem=font=",5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ماعاد ينفع مع الايام وسـع الصـدر=والحظ ماقـام والدنيـا علـى حالهـا
دفيت نفسي على خيرٍ وعـز وفخـر=وأن طاب فال الفتى لاجـاب ودالهـا
اما صغر صيتهـا بالوقـت ولا كبـر=وحيـود بقعـا لحالـي لازم أشتالهـا
لكن لاجيت افكر وقـت فيّـة عصـر=سود الليالـي علينـا هلـت اهلالهـا
من باب قول الادب ربي يجيب المطر=وأكبر قهـر للبشـر لاضـاع دلالهـا
الهم شوف الغبن وأفضل حصيل الستر=لاصرت هايم ولـك منـوه وتسعالهـا
مامات قلبي من الخفرات بيض وسمر=لو شفت روحي هواهن دوم يحلالهـا
صحيح مثلي هواوي دوب قلبه خضر=بالهون أزايم جروحٍ كبـرة أشكالهـا
يمكن ترد العوافـي لـو تلـد النظـر=والعافيـه طيبـه والنـاس باحوالهـا
شمس الحقيقه تبي تظهر ولامن مفـر=لاشعشـع اشراقهـا يازيـن موالهـا
ياصاحبي خذ نصيحه من كبير القـدر=للعقـده اللـي تعـب ماجـاد حلالهـا
لاصار وقتـك فـراغٍ لايـروّح هـدر=افطن صلاتك مادام النـاس باعمالهـا
معلوم منهـو تركهـا يانديمـي كفـر=مشهاة نفسك بعضها صدق غربالهـا
لن كنت تبغى بساتين العمر لك زهـر=أتبع كلام النبي والنفـس فـي فالهـا
محدٍ يفيدك من العالم في يوم الحشـر=أستغفـر اللّـه ودنيـانـا تهيالـهـا
أيات ربـك تزيـد المعرفـه للبشـر=تنجيـك مـن ليلـةٍ لامـال ميالـهـا
يهزني شوقها هـز الهـوى للشجـر=يرتاح صدري وروحي غصب تهدالها
أخير من عالمٍ فـي ضعفهـا تنحـدر=تنثـر مصاريفهـا والشـر يبرالهـا
والرابح اللي عمل بالخير طول العمـر=أليا بـدى حملتـه بالطيـب يشتالهـا
الله ينوّر جبينـه مثـل نـور القمـر=بالعسر واليسر والدنيا علـى حالهـا [/poem]



وســلامتـكم


عبدالله بن ماجد بن سنيد الماجدي

صح لسانك
لن كنت تبغى بساتين العمر لك زهـر
أتبع كلام النبي والنفـس فـي فالهـا

مشكور يالهواوي وتقبل مروري وانا من المؤيدين لك وللشعرك بكل قوه

وتقبل مروري العضيد

صح لسانك يامبدع
الهم شوف الغبن وأفضل حصيل الستر
لاصرت هايم ولـك منـوه وتسعالهـا
بيت في قمة الروعه

أهلا ومرحبا بك ياعبدالله

وسعداء بك يابن العم ياخو سعدى

شاعر متقن متفنن ..ابدعت وامتعت ..وارق سنود

صح لسانك

وقصيدة كاملة في قمة الروعة

بالتوفيق

الهم شوف الغبن وأفضل حصيل الستر
لاصرت هايم ولـك منـوه وتسعالهـا

من هنا ظهرللشعر صوت


لن كنت تبغى بساتين العمر لك زهـر
أتبع كلام النبي والنفـس فـي فالهـا
محدٍ يفيدك من العالم في يوم الحشـر
أستغفـر اللّـه ودنيـانـا تهيالـهـا
أيات ربـك تزيـد المعرفـه للبشـر
تنجيـك مـن ليلـةٍ لامـال ميالـهـا
يهزني شوقها هـز الهـوى للشجـر
يرتاح صدري وروحي غصب تهدالها
أخير من عالمٍ فـي ضعفهـا تنحـدر
تنثـر مصاريفهـا والشـر يبرالهـا


وهنا صرخة في وجة كل المزيفين


اخوي عبدالله لاتحرمنا من هذاالابداع فاانت شاعر قادم لضوء الشهرة

اقتباس والرابح اللي عمل بالخير طول العمـر أليا بـدى حملتـه بالطيـب يشتالهـا

بيت عن قصيدة

صح لسااااااااااااااانك يابن العم

سجل اعجابي فيها يا عبدالله

واصل ولا تحرمنا ابداعك .