مواصفات الزوج المغازلجي

بسم الله الرحمن الرحيم
السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


مواصفات الزوج المغزلجي

1- جواله دايم عليه قفل

والموضه الجديده جوالين بقفل

2- كل ما تدقين عليه يكون انتظار
وسبحان الله في البيت جواله مايرن ابد وغالبا لانه صامت

3- اذا نسى جواله وهو نازل بقاله ولا صيدليه يجيك مداهمه زي الصاروخ علشان ياخذه

4- اذا جا ينام يقفل جواله ماهو علشان سواد عيونك

لا بس عشان خويته لا تدق عليه وهونايم معاك

5- عنده ردود استباقيه ... يعني اذا دق جواله يقولك هذا واحد ثقيل دم اعوذ بالله منه مابي ارد عليه بدوووووون ما تسالينه مين


6- يكون عنده ارتباط شرطي بين المسجات أو الرنه ... و الطلعه من البيت!! مدري وش العلاقه بس يتعذر بعدهم بأي شي علشان يطلع

7- يتكلم في مواقع غريبه مجلس - حمام - مطبخ المهم في اي مكان

8- فيه اسماء غريبه في جواله على سبيل المثال

أبو غاده = غاده

عنـتر = عبـير

محل التحليه = الي مرقمها بشارع التحليه

فيتامين سيف وي = الي لقط رقمها بالسيف وي

انور = نوره

ابو صالح = باميلا اندرسون

9- لو كنتوا على خط ونزل بقاله ولا حمام يطول اكثر من اللازم والجوال لاصق معاه

10- فجاءه يصير حبيب معك بدون سبب-عقدة الذنب

11- ما يمنعك من الروحه لاي مكان ... لانه يبي الفكه يا هبله دايم يقولك روحي وسعي صدرك

12- ماعاد يقول عيالنا يقوول عيالك

13- اذا رحتي بيت اهلك يدق عليكي ويقولك اذا مبسوطه عندهم نامي اليوم وفرفشي عندهم


14- يسولف ويتفلسف في الامور الحريميه
حمل ولاده مكياج دوره حواجب اظافر وتستغربين من وين عنده هالكم من المعلومات ؟؟

15- يحاول يتخانق معاك لين صار عنده موعد عشان يكون طبيعي انه مايرد عليك

16- اذا وصل البيت يجلس بالسياره ساعه قبل مايدخل تخبرون احلى المكالمه آخرها ...

17- كل كلامه مع اصحابه يكون بالالغاز لان كل مواضيعهم عن بنات