راكب اللي سايقه مستانسٍ له ~ مثل ودج الوبل نشناش المكينه

الشاعر الكبير : فهيد الباطح الجميلي رحمه الله




راكب اللي سايقه مستانسٍ له

مثل ودْج الوبل نشناش المكينه


يوم ركبه والمعزّب سامحٍ له

باغيٍ قبل المساء شوفة خدينه


من الكويت العصر قضّى لازمٍ له

قال يدعينا العشى باطراف لينه


انفتح خطّه وهو دربه يدلّه

والمجاكر بين سوّاقه وبينه



قال سواقه عسى عمري فداً له

والابنص لدوس رجله رافعينه


لو ينوشه نوش جاب اقصاه كلّه

ناقلٍ عزمه وزوّد بانزينه


مع رقاق القاع كنّه حالفٍ له

ما يهدّي سرعته دينه وامينه


لو يناديه المنادي ما فطن له

كنّ ربعه بالطّريق مهاوشينه


منوة اللي ماشيٍ درب المذلّه

شايفٍ خفر السّواحل مطلبينه


لا عطاه بريك عدّه واقفٍ له

عقب فحصٍ بالفرامل ضابطينه

الله يغفر له ويرحمه ويحسن خاتمته عند مولاه


وصح لسانه وبيض الله وجه الناقل