الشاعر : سعيد المحطب - كل غصن بعناقيد الجزايل تدلا

الشاعر : سعيد المحطب


كل غصن بعناقيد الجزايل تدلا
هزه الهاجس الي للجزيلات هاوي

وطاح عقدٍ تساقط به جواهر وفلا
فيه جوهر ضمير وفيه تعطير غاوي

وداعي الشعر لا رحب بصوته وهلا
قلط احساس شاعر في دواوين راوي

ودايم الشك لا طاح القناع وتجلا
يستثير العقول ويستبيح البلاوي

وانت ياللي على عرش المحبة تعلا
طحت لكن في طيحتك ما انت متساوي

ماتموت المشاعر داخل انسان الا
كان مات الضمير واصبح الجوف خاوي

ولو فياض المحبة من غلاتك تملا
ما وردها الخفوق وذيب فرقاك عاوي

ولكن الصد للي عن لزومه تخلا
فيه وصفة حكيم وفيه قروة مداوي