الشاعر : حمد عتيق - وش عاد لو هي كلمةٍ صعب تنقال

الشاعر : حمد عتيق


وش عاد لوهي كلمةٍ صعب تنقال
صمت المشاعر من لهبها تكاوا

دون الكرامه باب ورموز واقفال
مايفتحه كثر الحيل والملاوا

دربٍ صواديف الزمن دونه ثقال
وادي به سباع المعزه تعاوا

غتر ووعر واشباح وتلاع وتلال
عواقبه عند النشاما تساوا

عند اقتحامه قيد وهجار وعقال
دونه قصيرين المذارع تراوا

بارود ورماح ونخاوي بالافعال
زرقات مايمدي عليها المراوا

لنفس عزّه عندها تاقف رجال
لستضعفت . فيها الرديه تقاوا

عادات وسلوم وتقاليد وامثال
لاغر عنها الطيب ليه نتخاوا

من لايشرّه شرهته سافي رمال
صلفٍ هبوبه والمذاري تهاوا