الشاعر : ماجد بن خشمان ورد الشاعر : عبدالله المسيعيد

الشاعر : ماجد خشمان البناقي


سلام ياللي حزت الضيق نلقاه
حرن ورمعاته براس الطويله

عبدالله وتسلم بالكرم كف يمناه
ياحي ... طاريه .. ولا فيه ميله

ابو حمد افهم كلامي ومعناه
شاعر وجيب من القصايد جزيله

شرواك يالوافي بطيبه عرفناه
مانخسره .. ولا ندور.. بديله

*******************

رد الشاعر : عبدالله المسيعيد ( ابو حمد)


يامرحبا ترحيبت الطيب والجاه
اعداد ماحطت مزون المخيله

بالصاحب اللي ماتخيّب مطاياه
ابشر بعــزك والثقيــل ارتكيـــله

ماهو اقصورن بالرجال المسماه
النعم يزهاهم وهم له حصيله

الطيب من عاداتكم وانت ملفاه
أنتم هل النوماس وأهل الفضيله