أحدى قصائد الشاعر بداح العبلان
صواديف الأسباب
كل مع الايام داله وسالي***** وأنا مع الايام لي عد و حساب
غريب واحسب طول الليالي***** ياطول دورات الزمن عند الاغراب
اعيش بدروب المتاعب لحالي***** في غربة ما الله قسم لي بها أصحاب
في غربة فيها أسود الحظ مالي***** ما رداك ياحظ مع الوقت كذاب
وقت نحى بين القلوب الغوالي***** وبطى بتفريقه على جمع الاحباب
أسامر أشواقي على ذكر غالي***** ذكرى البعيد اللي على البال ما غاب
و أساير أيامي وإلا قدار والي***** يا الله دخيلك عن صواديف الاسباب
راحت سنين والله أعلم بحالي***** لا طاب لي خل ولا الوقت لي طاب
يا شين مع ما يبهج النفس فالي***** ويا كثر ما حظي كسر عتبة الباب
بين النصيب وبين طول احتمالي***** يا ما سترت جروح الأيام بحجاب
ما كل من يضحك من الهم خالي***** كم ضحكة تخفي لها ضيق و اكراب
لو هو تيسر من قديم ارتحالي***** ما شلت في دربي تكاليف الاتعاب
لو الزمن يقضي بحكم العدالي***** ما صار طبع الناس رجلي وركاب
لا صار ما حظي يباري ظلالي***** ما لي على حكم القدر لوم واعتاب
أتمنى بأن تحوز على رضاكم