أعوي كما يعوي هليك الذيابه ( فهيد الباطح )

هذه القصيدة للشاعر الكبير : فهيد بن باطح بن صايد الجميلي ، أطال الله في عمره ، وهي من محفوظاتي وحصرية للموقع الرسمي الأول للقبيلة


[poem=font="mateen,6,indigo,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
أعوي كما يعوي هليك الذيابه=لا صار قوي الجهد ما يعينه
شرف على عد تنابح كلابه=الليل قمراء والعرب حاضبينه
من قبل لا شاف الونس ما يهابه=يضوي على الماء يوم لجت قطينه
خم القطين ولا لقى له نهابه=يقفي ويقبل لين كلت يدينه
جاء من بعيد وصار فوده عذابه=السرح فاته والصدر عاقبينه
وشرف على الحزم الطويل وعوى به=الليل زاح وشاف للصبح عينه
يذكر له أيام مضت من وجابه=عشاه من راع المراح السمينه
وذكّر علي اللي فقدنا غيابه=سمح القبال يروّع العقل زينه
لا شافها قلب المشقى سعى به=ومشاهده يبري القلوب الحزينه
حمر النهود مشلعات ثيابه=مطنشات ما لهجها جنينه
مثل الزبيدي عقب ولي السحابه=عقب الطلول ليا جلا عنه طينه
جراحٍ يداوي جروح الحبابه=مكار بزلات بينك وبينه
والخد برق اللي تجلا ضبابه=البرق يبرق والرعد له رطينه
غرا تراهش غيمها له ذوابه=سماكية صبت من الماء يقينه
صدرت من عد لذيذ شرابه=وخليته لواردةٍ مشتهينه
[/poem]

صح لسان الشاعر الكبير فهيد الباطح

ويعطيك العافية على حفظ الموروث الشعري

صح اللسان الشاعر الكبير


فهيد باطح وهو من كبار شعار الجميل ومعروف والف نعم

والف شكر لك يابو سلطان على الاصدار يالمصدر الاساس

ولك مني أحلا تحيه على القصيده الجميله

صح لسان الشاعر فهيد باطح شاعر معروف


ويعطيك العافية ابو سلطان على حفظ الموروث الشعري

صح لسانه شعر كبير ومعرووف

ويعطيك ابوسلطان على النقل

صح لسان قايلها
وسلمت لنا أناملك على النقل

تسلم أبا سلطان على جهدك المميز

وصح لسان الشاعر الكبير ألبسه الله لباس الصحة والعافية

يعطيك العافيه على النقــل