كبسة حاشي على كيف كيفك !!

بسم الله




اول شي اختار اللحم اللي يكفيكم وحطه في صحن واغسله مضبووط واترك عنك (النار تعقم اللحم) !؟




ركب القدر على النار وحط شوي زيت لاتكثر ، وقطعة سنام مثل اللي بالصورة ،
وهات بصلتين وقطعها حلقات او مربعات مثل ماسويت انا بس لاتدقق في الصورة
بتلقى كل الاشكال الهندسية مربع على مستطيل على مثلث



حرك البصل الين يصير لونه بني ( ياروحي يالبني ، قاعد اشرح أنا ) !؟
حررركه لين ينحمس ويصير لونه غامق على شان الكبسة تجيك لونها يفتح النفس ،
بعض الكبسات تجيك بيضا كأنه (عشاء مستشفى ) الله يديم النعمه




وزع اللحم بهالشكل وحاول تحط اللحم اللي فيه شحم واجد تحت علشان يسيح الزيت وتطلع نكهة الطبخ.



حط الغطاء على القدر 5 دقايق لين يتبخر الماء اللي في اللحم وتعشق ريحة البصل والزيت .



جهز ليمونة سوداء ودارسين وورقتين غار وشوي يانسون واغسلهم وحطهم بالقدر




لاحظو بعد التبخير صار لون اللحم كذا ، باقي الحين نحط شوي حلبه وفلفل مع البهارات
وهذي في الصورة الجاية




كذا يكفي ، واذا حبيت تحط عليها طماط بندورة بتطلع احلى بس لاتكثر عشان الكبسة ماتقلب عنابي !





اذا وصلت لهالمرحله غط القدر وخله يتبخر 5 دقايق بس وجهز المويه ...






حط مويه لين تغطي اللحم تقريبا .. او زيد شوي اذا كان الحاشي كبير
واذا الحاشي صغير على قد اللحم بالضبط .
عاد كيف تعرف هل هو كبير والا صغير هذي مشكلتك س0 .




قفل القدر مضبوط وزيد كمية الحطب وتفرج من بعيد ،
لاتسوي فيها كل شوي بتطل على اللحم ثم ينفجر القدر بوجهك .
انتظره ساعة كاملة او ساعه وعشر دقايق ولاتزيد .

انا بهالوقت سويت القهوه ورتبت الجلسة وجلست انتظر خوياي اللي راحوا من ساعة ولارجعوا .
وجاني ذيب وأسد وفيل وهجموا علي وطلعت السكين ...<- بديناا بالمصالــه !؟



القهوه والمــه
والمه : يعني جاهزة ؟




لاتنسى تنقع الرز في الماء وتغطيه ، لاتخليه مكشوف الذبان وااجد في البر






بعد ماتخلص الساعة افتح غطا البخار وخله ينسم الين يروح الصوت ثم افتح القدر







اذا تاكدت ان اللحم استوى قرب الملح واملح كبستك ، ماقدر اعطيك كمية الملح لأن هذي تعتمد على اللحم والمرقة وانت وشطارتك .

اذا ملحت وخلصت قفل القدر مره ثانية لمدة عشر دقايق وافتح القدر وحط الرز وسكر عليه ..
واحسب عشر دقايق بس ولاتزيد عن عشر ، بيجني واحد ويقول واذا ماعندي ساعه وش أســوي !؟ ،
هذا ودك تمسكة وتحطة بالقدر مع الكبسة ، طبعا هذي مشكلتك(2) .
او فيه حل انك ماتقفل الغطا ، خله مغطى عادي وكل شوي ناظر في خبصتك اللي مادري وش نهايتها

ملاحظة : الصورة واضح ان الزيت شوي زايد مايمنع انك تقلله وتاخذ بالبياله الكمية اللي ماتبيها .






الرز قرب يستوي .. والكبسة على وشك تخلص ( افرك يدينك وقول احييييييه ) !؟






يمي يمي !





يمي يمي 2





يمي يمي 3

أقلطــــــــــواا حياكــــــم الله ،،

مطرح مايسري يمري

*
*
*
*



النهايــــــــــة
THE END

المصدر: منقوووول
ولا تنسون التقـــــــيم .....

طبخة لذيذه جدا ..... تسلم يمينك

تسلم يمينك على النقل

تسلم يمينك على النقل

</i>

تسلم يمينك على النقل

يـآالله

كـبسـه غـير شكـل

كلك ذووووووووق يالغالي

تسلم يمينك على النقل

</i>