خالد حامد غشم خليف المحارب الجميلي قصيدة سقت الغلا لك وانت غالي ومحبوب

سقت الغلا لك وانت غالي ومحبوب
ولولى غلاكم كان ماجيت عاني

اثر الغلا بلوى من الله ومكتوب
وانا احسب انه من طرف شخص ثاني

قمت اتغزل به على طرق مسحوب
ولا الهجيني لزعجته وجاني

يصيبني خفه اليا شفت رعبوب
نجل العيون اللي هدبهن رماني

كن الحلا والدر بشفاه مصبوب
معزل الخصرين عنق ولياني

عين القطام اللي على الجول مرعوب
عكف المخالب والزنود المحاني

عندي عزيز وكل قدره وماجوب
لوهو قطع وصله بقربه حداني

كني سقيم الحال باسجن مطلوب
ابطى بسجنه ونحكم حكم جاني

ولا سقيم. الزاد. للأكل محجوب
لديغ داب وكل سمه سقا ني

كلمات # خالد حامد
الشطي