قصيدة لشاعر مطر الطرقي الجميلي وردلشاعرصالح بن خريص الحربي ورد لشاعراحمد رشيد الجميلي

‏صداقة الوقت هذا صابها لنه
الخلق عجله على تشذيبة الساقي

معاني الوقت فكر الراس حاسنه
ون زادت المشكله بالفين طقاقي

دربي وعرفه ودربي ماابه الظنه
اسج رجلي ورب الخلق رزاقي

ي اهل النضاء عجلوا شدوا عليهنه
الفجر بين وباقي وقت الاشراقي

علايق الجيش طفاحن يومنه
مما حداهن على دركه و علاقي

وعلايق الوقت صافيهن يشننه
امزودات الشنينه كيف ينذاقي

هذا بعض ما طرا و بروق لاحنه
عرض المخيله تلاعج ضوح براقي

الحر لاطار جنحينه يشيلنه
يكفخ جناحيه لا والبط نعاقي

سلام ياللي له افكاري يشوحنه
حر " نداوي على الصيدات صفاقي

البيض ماضي وحاضرنا غلاهنه
ما قيل للبيض صياد " و تفاقي

كم ليلة " ضامي الاشواق سرنه
كم من قريب حصل له حب وفراقي

يالله يا معطي الجنه بلا منه
يامجلي الهم عن صدري ليا ضاقي

لشاعر/ مطر ال طرقي الجميلي

...................... . ........

صداقه اليوم مجنونه و معفنه
تبغالها يالجميلي صبر و اخلاقي

وشذابة الساق تلعب لعبة الصنه
والصبر من يمهم ماعاد ينطاقي

وا قلبي اللي من الاصحاب شطنه
تسعين مره ويبقى كثرها باقي

لا قلت ابا سلا وطيب وخاطري كنه
تزارقتني اتقول امواس حلاقي

في يد غشيم " زمانه مخلف " ظنه
غنيمته من زبونه كف وطراقي

سود المقادير صادنه وجابنه
من عالم " مختلف إلعالم " راقي

يرقص على الزير و يجاوب على الشنه
يرقص علي صوتها مصري مع اعراقي

في كنه تشوي الجربوع وتسنه
شمسن قويه ورمضاء تحرق احراقي

حتى الحصاني ابما صابه يواسنه
عن مشكله حلها ماهو لها لاقي

ابن خريص الحربي

.....................................


اصحاب هاذا الزمن كالخيل مستنه
كل يدور على الفرقى و الفراقي

الوقت هاذا ماندري عنه وش ضنه
كلن يفكر بليله لين الاشرااااقي

وانا على الطيب باقي ماقبل المنه
لجل الخوي وقفتى واقف على ساقي

يومن بعض البشر محدن درا عنه
لانه مخالف إبطبعه كل ميثافي

معروف هاذا الزمن لو مختلف فنه
اسلوم الاجواد صارت مالها اوراقي

المال خلى الاصاغر تفرض العنه
لون ماكل بيتن يذري به ارواقي

الباقي الله ومثوانا عسى الجنه
في ماقف فيه تابس كل الارياقي

لشاعر / احمد رشيد ال جميلي