وش حيلت اللي هام بحب مخلوق

السـلأم .ع ـليككم .ورحم ـه الله .وبرك ـأته. .
.. .
.

هذي القصة اعجبتني كثيراً وحبيت انقلها لكم


هذي قصة اثنين يعشقون بعض عيال عم من يوم كانوا صغار ، تقول البنت

انا لو قصتي تكتب ويقراها طفل مولود

يحس بحسرتي ويكره زمان فية ميلادة


وتقول:

والهموم اللي دعتني من بعد سن الطفوله

كلها من تحت راس العشق ملعون الصلايب



هم اثنين حبوا بعض حب عذري بريء وهم صغار ويسعون لتحقيقة كبار


قال الولد :

انا وانت وش اوصفلك عجز عن وصفنا تعبير

مثـل مدري ! مثل وشوا ! ولكن صعب تصويره

انا وانت ! بلاش انت ! انا لو بفقدك شي يصير

مجرد طاري الفرقا علي يا صعب تأثيـــــــــــــرة

أحبك اية احبك ذي بعد يبغالها تفكيـــــــر

يخلف الله على عقل ملكتي كل تفكيرة



ولما صار ح ولد العم عمة انه يبي يتزوج بنت عمه وانه طول عمره يحبها والحين جاء الوقت اللي

يعلن عن حبة ويتقدم لخطبتها


قال عمه أنه مايقدر لأن ....

" الرضاعة تمنعك " اننت رضعت معي يعني انت عمها بالرضاعة ، وشلون تتزوجها !!!

راح يتأكد

ولما تأكد انصدم !!!!


على طول راح لبنت عمها اللي يحبها وقال لها :


مـــدّي يمينك لا تقولين وش صار

واذا حصل مني خطأ سامحيني


يا بنت ممشاي على كف الاقدار

واللي ينكتب لي لازم انه يجيني


حل الفراق وعادة الوقت غدار

والله على حكم الليالي يعيني


اوصيك انا بوصيك في حفظ الاسرار

وخلك على ماكنت بوسط عيني


ولا تعتذر ما حصل منك مقصار

بس امسحي دمعك ترى تجرحيني



ولما عرفت البنت الكل اكيد يقدر يتصور موقفها وفوق هذا تزوج الانسان اللي تعشقة للجنون

تقول :


هلت دموع السما عند الوداع

وارسلت بغيومها شوق وحنين


قال ودّع مايفيد الامتناع

الشقا مقسوم بس الله يعين


يا حسايف وقتنا والعمر ضاع

لسمع الصوت يوم الفرقا سنين



وبعد سنة الله رزقه بولد وصارت تحب الولد اكثر من نفسها لان من غلا الولد من غلا "ابـــوه"

لدرجه ان كل الناس لاحظوا وانتبهوا عليها وانها المسكينة ماتقدر تكتم مشاعرها والخنفة اللي فضحتها

لين جاء الوقت اللي قال لها ولد عمها فيه لها لا تجين ولدي وعامليني كابن عمك فقط ولا تكشفين

قدامي !


تقول البنت


ياويله من الله ماهقيت اني ولا شي

وانا اللي احسبني احلا مقاديرة


البنت ماتدري ان ولد عمها للحين ميت عليها ! وانه ماقال لها هالكلام الا عشان يخليها

" تكرهه" وتكمل حياتها

وهو من حبه لها يبيها تكمل حياتها وتهتم بنفسها وتتزوج !!!


وفعلا بعد فتره تزوجت البنت وبليله عرسها جاء ولد عمها يزفها لزواجها بحكم انه عمها بالرضاعة

مسك يدها ويناظرها بعين تخنقها العبرة


ويقول هذة الابيات :


يهل دمعي واقهره داخل العين

اخاف من حولي يقولوا هزيمة


لا والذي ولف قلوب المحبين

ماصدرت دمعات عيني ظليمة


انا بكيت من الوفا والوفا دين

لاجل الغلا والذكريات القديمة



وفي نهاية قصتي احب اختصرها بها البيتين


وش حيلت اللي هام بحب مخلوق


فرقاة موت وجيتة مستحيـــــله


وسلامتكم:...أخ ـوكم .ع ـبداللـه .البن ـأقي

وش حيلت اللي هام بحب مخلوق


فرقاة موت وجيتة مستحيـــــله


صح اللسانك

الله يعين شكراً لك

عليك بطاعت الله وكل شي يجي بأذن الله

يعطيك العافية

يعطيك العافية

يعطيك العافية ع النقل

قصــــة حلـــوة

يعطيك العافيه

صواديف الزمن لاتستغربها

يعطيك العافية

قصة جميلة
بارك الله فيك ع النقل