السلام عليكم ورحمة الله وبركاته
كيف اصبحتم اخوتي بهذه الصفحة اسرد لكم بعض القصائد الخاصة بالشاعر قطيفان 0 وعلى صدد ان انزل لكم بعض صور الشاعر قطيفان وكذلك صور من اثار قصره الذي يقع بالعويصي شمال مدينة عرعر بحوالي 15 كلم في الايام القادمة
[poem=font=",6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""] ياعل اهل مجنـة تجيهـم سحابـه = سحابـة ٍ وبله تواقـع دنانـيـر
من شان محبوب ٍ ضحكلـي بنابـه = ربي صخرني له على الشر والخير
ان كان هو مقبـل علينـا هلابـه = وان كان هو مقفي عسى ينطحه خير
اللي عـن اللاشـه عـذي ٍ جنابـه = نزهـي شليلـه مايدانـي المعاييـر
والقلب مشفي بـه وطولـه هذابـه = والوج لوجة مرجـات العصافيـر
قافيه صعصيـع ٍ قليـل ٍ زهابـه = الا بروس معكفات المناقير
ومنيـن ماجـا مضربـه مايهابـه = لطه نطوح وطار ريشـه بعاثيـر
وقـع بتالـي جهدتـه والبـلا بـه = ولا له على درب المقاضا مقاديـر[/poem]
=====================================
[poem=font=",6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""] ياما براسي طرشة ٍ تتلف الذيب = مالي لزوم ٍ مير خلي سببها
باغيه لو كثرّ عليه المطاليب = ونفسي تريد ملايمه ماغصبها
وانقل هداي رداي انا منك ماطيب = وحلق على قلبي وكبدي سلبها
واول شباب وشفت بي لايح الشيب = اركض وطول مفحمي من سببها
اما جداي القوس والا المراقيب = والا كثيرات النجوم احسبها[/poem]
================================================== ======
[poem=font=",6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""] انتي زهو والا البني كلهن بوش = وانتي قراح وهن هماج الصريه
والقلب عقله ناقص ٍ منك مدخوش = والنفس عن كل العذارى معيه
وصبرت من شانك على الحكي والهوش = ولاعجزت الرجلين اشد المطيه
ولاطيع حكي المبغضه حكيهم طوش = اللي يعدلون الخوي عن خويه
ياعين خشف ٍ يرتع القفر منحوش = يقود من فرق الجوازي رعيه
شفق ٍ على حبة ثناياه لو نوش = شفقة غريب ٍ فاقد ٍ شوف حيه
وان صح دمعي لو تعزرت ممحوش = ماتقل مرن الجواري عليه[/poem]
=========================================
[poem=font=",6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""] انا كل ماجاني من الناس عذالي = يرجد على خلي علوم ٍ صفنتيه
انقد على عقله وازين له البالي = وانا طريقي ظاربه لايق ٍ ليه
وانا كل من سموه باسمه لنا غالي = ودي مصوت به يصوت حواليه
وانا كل مايفطن حبيبي سرق حالي = كما ميسن من ضلع خطوا العمانيه
وهو في قطر لاهه وانا وين منزالي = اكثر مداهيلي غدير الصفاويه
كان هو قفى ورى ماتبي فالي = وان كان هو مقبل غدت لي فضاويه
يرجد براحه والكلوفت على حالي = طولن ذلولي من سبايبه طرقيه[/poem]
==================================================
[poem=font=",6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""] ادعي عسى الله لايبارك بماكم = باكر مقام وعقب باكر تشيلون
والقيض شواي الجخادم شواكم = كل النهار وجملة الليل تسرون
ناس ٍ على المشطون ماكبر خطاكم = هو ساهر ٍ وانتم بليل ٍ تنامون
انا ذبحني واحد ٍ من ضناكم = انا على الهم وانتم تربون
انا طلبته طلبة من لحاكم = اما عطى والا علينا تبيعون
وان ماعطيتوا ويلكم من خطاكم = خطيتي برقابكم لو تحجون [/poem]