احرص على جارك
ياغنيم وسط الصـدر مثل اللجاجــه
من الزمن واهل الغدر واهل الازعاج
الطيـب صـار اليــوم مطفي سراجــه
وصار الردا في هالزمـن نور وســـراج
ابعـد عن اللي يزعجـــك في عجاجـه
وخلك مـع اللي لاحضــر كنه عـــلاج
ولا تتبـع المقفيـن واهـل السماجــه
اتبــع ارجـالٍ بالكـــرم مثــل. هــداج
واقرابــك الوافيــن لادنـــات. حاجــه
هـم الــذرا للوقــت لا صــار منعـــاج
احفـــظ صـلاتك واطلـب الله وناجــه
ولا تحقــر المعــروف وتصيـر هـــراج
واحـرص على جارك وخــل العواجــه
ولا تـرد منهـو جـاك ياغنيم محتـــاج
وخلك رجــل للنــاس طلـق ٍ حجاجـه
وخـل النجـر في مجلسك دوم لا جاج
والهــرج لا تخلط حــلاه اب هماجــه
قــدم كــلام الطيب لاتطيـح باحــراج
واقــــولهـا استـــــر علــى ماتواجــــه
والســـر خلــه داخــل الصـدر بادراج
يوســـف مطـــر غنيـــم الماجـــدي
ابو غنيـــم