فهيدالباطح شاعر علم وهذه القصيده فيها وصف عجيب
للطائره ويوضح كذلك فرق الشعار في كتابةالقصيده
[poem=font=",6,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الا ياراكب اللي بالسماء تمشي على الساعات=على اول وارد النمـرة عماركـل اوانيهـا
ترج الغيم في حس تصلفق به على الموجـات=تلافح به مراوحها مـن القـوات معطيهـا
اليا منه بـدا لازم عليهـا ريـس الصنعـات=يطق التيل ويخابر مانشـد عن معاشيها
يسوق الكهرباء بالماص علق واير اللمبات=تكاشف نيـرة الباغـات يعلقهـا ويطفيهـا
الا يابعـد ركاب تقفي بـه عـن العـيـرات=هميم تقطع القاع البعيد لمـن ركـب فيهـا
تعاجل شفة الفنجال تلفي بك على المشهـات=قطات خرمت للبيض قبـل الليـل يمسيهـا
عليها ماتعلق قربتك لـو تنحـر المضمـات=تباهز لو يغيب الجـدي معالـت مساريهـا
انا لي هقوة وحده ولشعـار المـلا هقـوات=تخفـي كلمتيـن وكلمـة تكشف معانيهـا
اجاهدلي جنود وسط قلبي تلعـب القلطـات=تلاعج به سيوف الهند عج الخيـل غاشيهـا
اهلهن مرتهين بهـن وهـن قـب رباعيـات=مساميرالحذاء بادن وهـي كلـت يمانيهـا
ليا كضن اعنتهـن غدا لضروسهـن صـرات=كمـا صـرت محاحيـل ليا دكـت سوانيهـا
ترى الشعار مثل الصرف بهم زات يغطي زات=مشد بيوتها تفرق على شـدت مبانيهـا
قليل من الرجال بهم تكانـه والكثيـر جهـات=يقول الكلمة العوجـاء ولا يـدري قوافيهـا
يشوف الشوف بعيونه وقلبه للخفـى إمـرات=وليا باحت سرايرهـا تبيـن كـل مافيهـا[/poem]