أنواع الرجال

يالله تعدّيهـا علـى خيـر وتصـيـب
مـن حدّنـي أكتـب خمالـه وعيبـه

تبغى الصّراحه مابها شـك ولا ريـب
باقولهـا والـنـاس كــلٍ وطيـبـه

الـحـر ماينـفـع بلـيّـا مخالـيـب
والعقـل للرجّـال زيـنـه وهيـبـه

والسّالفـه ماهـي بلحيـة مواجـيـب
كـلٍ علـى طبعـه يجيبـه حليـبـه

بعض المنابـت بالمراجـل عذاريـب
وبعض المنابـت للمراجـل خصيبـه

رجلٍ يبـي طاريـه عنـد الأشانيـب
ورجـلٍ يبـي طاريـه عنـد الحبيبـه

ورجـلٍ يـودّي بالسواليـف ويجيـب
ورجـلٍ سواليفـه لفعـلـه تجيـبـه

ورجلٍ تسـد بغـيبته يومـه أيغـيب
ورجلٍ ولا تـقـدر تســد أبمغـيبـه

ورجل يغيب ويفقدونـه هـل الطيـب
ورجلٍ ليامن غـاب ماحـدٍ دري بـه

ورجلٍ تشوف بخوّتـه لـك مكاسيـب
ورجلٍ تشـوف بخوّتـه لـك غليبـه

ورجلٍ إذا أخطى يرى نفسـه مصيـب
ورجـلٍ إذا إخطـى يراهـا مصيبـه

قلت الصّراحه مابهـا شـك أو ريـب
كـلٍ علـى طبعـه يجيبـه حليـبـه

إشره وشرّه كـان تبغـى المواجيـب
عط حـق تاخـذ حـق مابـه معيبـه

صح لسانك وشكرا لك على هذه القصيدة الجميلة

السلام عليكم ورحمة الله وبركاته
موفق بإذن الله ... لك مني أجمل تحية .

بارك الله فيكم على مروووردكم وردووودكم

صح لسان الشاعر .... وسلمت يمين الناقل واشكرك على حسن الاختيار....... وفقك الله

بسم الله الرحمن الرحيم

السلام عليكم ورحمة الله وبركاته

أخي / دحـلـول


الله لايهينك على هالقصيدهـ..


صح لســـانك ... أبدعت وأشبعت

جـــــاري الحفظ ..........................


تحيتي

قصيدة في قمة الروعة مليئة بالحكم

صح لسان الشاعر ..... وتسلم يمينك

يعطيك العافيه ومشكووور على الطرح