(( من قصايد المقانيص ))

بسم الله الرحمن الرحيم

المقناص من الرياضات المحببة للنفوس الابية وولعة للعاشقين له لايقدمون غيره عليه حتى في احلك الظروف وقد قال فيه احد شعراء قبيلة سبيع الغلباء الشاعر مهنا بن سعود السبيعي رحمه الله

الجمس جاهز والسلوقي جريمه
لاشافن المحفار والطير ركبن

كن السلوقي لااجحرت فالخريمه
عبد طروب فالحفل لابسه جن

وهذا الــشــاعـــر الـكــبــيــر بـــدر بـــن عـــواد الحـويـفـي الحربي شـاعـر متمـكـن وقــوي وصـقــار بارز لـه اسلوبـه الـقـوي فــي الصقارة والتعبـيـر وكـل قصيـدة مـن قصائـد الحويفي تــرى بهـا الجزالـة وكـل بيـت مـن بـيـوته جزل بجزالة شاعره اطال الله في عمره واليكم من الامثلة تلك القصيدة

يـامـل قـلـبٍ دق بــه كــل طــاري
= طــواريٍ باقـصـى الضمـايـر تـتـلـه

وشفـقٍ علـى شـوف الفضـا والبـراري
= لاصـار مـعـه مشـبـبٍ مسـنـدٍ لــه

خطـو ابلـجٍ لملاقـف الصـيـد ضــاري
= جـدع الضريبـة بالسـهـم عــادةٍ لــه

قــرم بوجـهـه للـمـروه شـــواري
= رايــه سـديـد وكـــل دربٍ يـدلــه

مـاهـو حضيـبـيٍ مـزاجـه تـجــاري
= لـيـا عـقـدت الــراي عــوّد يفـلـه

اول نـهـارك يعجـبـك مـا انـت داري
= مــار الـبـلا تـالـي نـهـارك تمـلـه

ابـمـدح الطـيـب ولانـــي مـــداري
= والــلاش لاخـايـف ولا حـاسـبٍ لــه

الـفـرق بالـلـي ياصـلـون المـحـاري
= والا الــردي شـرهـات مثـلـي تـزلـه

ابــي خــويٍ ضـاري (ن) بالمـسـاري
= مـاهـو مهـيـنٍ يـرقـد اللـيـل كـلـه

ومعـنـا قطـامـيٍ يصـيـد الـحـبـاري
= لحّـاق لا كـوبـر لــه الـخـرب شـلـه

خطـو اشقـرٍ جثـل مـن الريـش عـاري
= افـجـح مخاليـبـه ســوات الأهـلــه

بــه دق ريــشٍ مـثـل دق الـخـزاري
= مـهــدف ورا منـاكـبـه مسـتـقـلـه

منخـر وبـوز وفـيـه عــدة مــواري
= يحتـار بـه راع النـظـر لافـطـن لــه

مـاهـو بكـفـاخ ٍ طـفـوقٍ ازعـــاري
= طلعـه حقـاق ان شافهـن ساوقـن لــه

لاشـافـهـن مـتـطـاولات الـمــذاري
= عقّـد وحــق الطـلـع والسـيـر تـلـه

ويّحـول اللـي طـار منـهـن اجـبـاري
= ذبـاح للـي يـوم هــد اسـجـدن لــه

يازيـن طلـعـه بالضـحـى والعـصـاري
= لامـن خشنـات الغـلـب خيـشـن لــه

هــذيــك هي مـنـوتــي واخـتـيــاري
= لـو كـل مـن يطلـب لــزوم يحصـل لـه

ولـو ان حظـي مـع مـزاجـي يـبـاري
= سجلـت لـه صفـحـة وفــا بالمجـلـه

مالـي هـدف بالسـوق بايـع وشــاري
= قلبـي ذعـاذيـع الـهـواء ولـعـةٍ لــه

انـا غرامـي مـع فـجـوج الصـحـاري
= وشـوف الـرجـوم النايـفـات المطـلـه

لاشـفـت بالريـضـان نـقـع وخـبـاري
= راح الـزعـل والبـسـط حــل بمحـلـه

بـارضٍ بهـا للصـيـد عيـنـه واثــاري
= فيهـا القطـا تلـقـى فـروعـه محـلـه

مهـامـل تــردم شجـرهـا الــذواري
= نبـنـي لـنـا فيـهـا ونـاسـه وفـلـه

يـازيـن شـبـة نـارنــا بـالـغـداري
= والكيـف ابـو صالـح جلـس وارتجـلـه

والمـاء مفـوح فـي نظـيـف الـغـواري
= وصفـرٍ يجاذبهـن عـلـى جــال مـلـه

وصاحـب لهـن تقـول مـاخـذ حــذاري
= وفنجالهـن يجلـى عــن الكـبـد عـلـه

واللـي علـى مثلـي مـن الـنـاس زاري
= لاسامع قـولـه ولا مـصـغـيٍ لـــه

وافـخـر بحـبـي لصـقـارة وامــاري
= ورزقي على اللي كون الكون كله

وهذه ردية بين الشاعر بدر الحويفي وطيره يقول الحويفي :

الخرب يا غنام ما هو كروان
تبرك عليه ولا يهمك صغيره

الخرب عابي لك قنابل بخزان
يبي على خشمك يفك الذخيرة

غرّك فعولك يوم تقنص لفيحان
أثرك جيّد لى قضبت الكسيرة

فرد عليه الطير قائلاً :

انته وراك تلومني يابو سلمان
والله لأعوضك كان حصّلت غيره

وأنا الحقيقة يوم هدّيت غلطان
جيته مع البومة واثرها خطيرة

ما مقصدي خايف من الخرب جزعان
لكن ما جيته بعرف وبصيره

خرب مغفل له أسبوعين بشمان
مليان من قطف الخزامى مصيره

هو طار متعافي وأنا طرت عميان
سدد عيوني سدد الله نظيره

شـكــ وبارك الله فيك ـــرا لك ... لك مني أجمل تحية .

قصائد رائعه شكرا اخي السريه

كل الشكر لك عزيزي على هذا الاهتمام والتنويع بالمواضيع