احدى قصائدي .....؟

بسم اللة الرحمن الرحيم

السلام عليكم ورحمة اللة وبركاته....

امسيكم بالخير جميع وهذه اول مشاركة لي في منتداكم وهي قصيدة من احدى قصائدي واتمنى ان تنال اعجابكم.......؟

؟ ؟ ؟

؟ ؟

؟

البال ضاق وترغب الرجل سجه
متشفق(ن)عقب البطا للمسايير
ودي اميز غايتي وين اوجه
ورزقي على اللي مدبر الامر تدبير
طلبت مد اللي وسيع(ن)مفجه
ولا دامت الدنيا لبو زيد والزير
باح العزا والقلب ضاعت احججه
يومن نويت امشى الرجل واسير
ونيت ونت من ضلوعة تلجه
ذيب(ن)يكسر عبرة الصدر تكسير
لاواق في عالي المراقيب سجه
صوت(ن)يعبر عن خفى القلب تعبير
اوجس بصدري مثل رمح(ن) يخجه
فز الخفوق وخدر الجسم تخدير
ضاق الجسد والكون ضاقت افججه
على الرجا تالي حياتي تعازير
والصبر طال وصار بالفكر ضجه
كم واحد(ن) حالت علية المقادير
متمني(ن) من عقب الاوناس هجه
عقب الفضا ضاقت علية المعابير
جرحه جديد وقام دمة يبجه
مالة ونيس إلا النجوم المساهير
واليوم وين اللي يونس بهرجه
يذكر اليا جابوا طوارية بالخير
راع الوفا من جور الايام نجه
يارب لاتجعل بدربة عواثير
لاحال بي وقت(ن)طوال(ن)عوجه
وش حيلتي غير القلم والتعابير
ان عاضبت مالي على الناس حجه
إلا لشخص(ن)له معزة وتقدير
والسلام مسك الختااااام

صح لسانك

قصيدة جزلة توحي بقدوم شاعر متميز يغوص في بحور الشعر ويختار أجملها

لله درك على هذه القصيدة الرائعة كروعتك

وسرنا جدا حضورك معنا

وأسعدتنا مشاركتك النيرة

فمرحبا مليون وزيادة

صح بدنك ...؟
والله لايهينك على الترحيب الرحب
ولاهي غريبة على مثلك وشرواك
وترقب الجديد من القصائد المبدعة

صح لسانك ع هذا ا لابداع المميز

قصيدة جزله من شاعر جزل

بإنتظار جديدك ..... واهلا بك مليون وزياده

صح لسان ..... ابيات رائعة من شاعر متمكن

شكرا لك على الحضور ..... وبإنتظار جديدك

صح لسانك

أنا أشهد انك شاعر .... قصيدة جزلة
...
أخي سالم بودي لو تأتي لنا لو تكرمت بقصيدة لأفضل الخلق صلى الله عليه وسلم

أشكرك من الأعماق

صح لسانك
قصيدة جميلة
تقبل مرورى