هذه القصيدة للشاعر الكبير : فهيد بن باطح بن صايد الجميلي ، أطال الله في عمره ، وهي حصرية للموقع الرسمي للقبيلة
[poem=font="mateen,6,green,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
نطيت لي رجم طويل ومسقوف=متعلي من فوق كل المشاريف
رجم لطراد الولع يبرح الشوف=مشيّد دونه طمان ومياهيف
تلقى ظلاله كنه العصر مسقوف=تلقى الحمايم تلتجي به عن الهيف
لكن حاديها سنا النار مقصوف=في خفقة الجوزاء سموم العواصيف
يا عيال يا متروحين على كوف=يا اللي على عوج الرقاب المواجيف
مزينين فوقهن عملة الحوف=ظهورهن للي ركبهن هفاهيف
للصاحب اللي بالولع لافني لوف=عليه هليت الدموع الذواريف
يا ضامر السرجوف والبطن ملهوف=ما أنساك لو إني ورى نقرة السيف
قلبي وعيني لك لو إنك ورى الطوف=لو صرت قفوي حرت لك بالتواقيف
والله ما صيدي مذلة ولا خوف=عندك حولنا والغلا زود تشريف
يا بو جديل فوق الأمتان مصفوف=شرّه على ردف زهى بالتواصيف
ردفه سنام اللي على أمه خذا النوف=تحظه اللي درهمت للمشانيف
يا أبو نهود مثل تفاحة الجوف=ما هن من لمس الصغيّر مهاديف
الشوف منفوعي وأنا عنه مصدوف=هو صار لي مثل المعزب وأنا الضيف
حبن وأحبك يا الغضي سو معروف=كان أنت طربان ترى ما معي كيف
[/poem]