يا حبيبي و الله اني لزورك و اشتكيك
كيف تضحك لي بسنك اليا جيت اسالك
ضحكةٍ بالوجه ما تنفع اللي يرتجيك
هيبتك تنقص و تهدم عوالي منزلك
تنسمج عقب المعزه و حنا ما نجيك
صلّح النية و خلك صريح بعملك
لو تعود للمشاريه لي حقٍ عليك
في زمانٍ فات عصرٍ مضى لا يجهلك
يوم تستلم العهد في يمينك من يديك
شف حبيبٍ لك بحبك حيا و الا هلك
ما انت خصمٍ لي مقابل تجيني و التقيك
انت لك عندي معزه و لا ارضى بزعلك
ينتصف لي بالقضا واحدٍ ما له شريك
منك و الا من قرايبك و الا من هلك
ارحم اللي من غرابيل فرقاكم دريك
عاش في طاريك لولاك مات و لا سلك
ادميٍ من ضنا الناس حبه يبتليك
وانت مانت بعيد عني ترا الروح دخلك
الحلا و الزين موجود بك و الملح فيك
و الله اللي باحسن اوصاف خلقه جملك
خاطري يهواك و النفس يالغالي تبيك
ما اتحسف كود لاماك دامك بجهلك
سعد المسيعيد الحفر الجميلي