حبيت ان انقل لكم ملخص القصه . كان رجل من الباديه ولديه ابن اسمه ذيب وكان هذا الابن بار بابيه..فذهب ذيب للغزو ومعه رجاله وقتل ذيب بالغزو وفر عدد من رجاله ورجعوا لابيه بهذا الخبر..فحلت على ابوه اكبر مصايب الدهرفقد ولده البار..ومن القهر ساق هذه الابيات..
ياربعنا ياللي على الفطـر الشيـب=عز الله انه ضـاع منكـم وداعـه
رحتوا على الطوعات مثل العياسيب=وجيتوا وخليتـوا لقلبـي بضاعـه
خليتـوا النـادر بـدار الاجانيـب=وضاقت بي الافاق عقـب اتساعـه
تكدرن لـي صافيـات المشاريـب=وبالعون شفت الذل عقب الشجاعة
ياذيب انا بوصيك لا تاكـل الذيـب=كم ليله عشـاك عقـب المجاعـه
كم ليله عشـاك حـرش العراقيـب=وكم شيخ قوم كزتـه لـك ذراعـه
كفه بعدوانـه شنيـع المضاريـب=ويسقي عدوم بالوغى سـم ساعـه
ويضحك ليا صكت عليه المغاليـب=ويلكد على جمع العـدو بااندفاعـه
وبيته لجيرانه يشيد علـى الطيـب=وللضيف يبني في طويل الرفاعـه
جرحي عطيب ولا بقى لي مقاضيب=وافخت حبل الوصل عقب انقطاعـه
كني بعد فقـده بحامـي اللواهيـب=وكني غريب الدار مالـي جماعـه
من عقب ذيب , الخيل عرج مهاليب=ياهل الرمك ماعاد فيهـن طماعـه
قالوا تطيب وقلت: وشلون بااطيب=وطلبت من عند الكريـم الشفاعـه
وتقبلو تحياتي