ما لنا غير عبدالله

هذه القصيدة نظمتها بمناسبة عودة والدنا خادم الحرمين الشريفين الملك عبدالله بن عبدالعزيز آل سعود حفظه الله

[poem=font="mateen,7,green,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
بسم ربي بدينا وانتهينا = خالق الكون علام النوايا
عالم الغيب واللي يكتمونه=رافع الشان داري بالخفايا
راجع للوطن ملك نعزه = أبو متعب على كل البرايا
هو ملكنا وحنا نعتزي به = مالنا غير عبدالله ولايا
حامي الدار واخوانه عضوده = نسل عود موحد للسرايا
ما خذاها بحب خشوم والله = كود بالسيف قطاع الحنايا
من يخرب بدولتنا الرشيدة = دونها الشعب وراد المنايا
دارنا مملكتنا هي ذرانا= دونها الروح تعطى له هدايا
لو يقول العدو و اللي يحبه= زمرة بليس تطلع له خفايا
نهزمه بالولي رفاع شانه = مالك الملك خلاق النبايا
علموا من تظاهر بالشوارع = العبر عند نايف بالنهايا
وابو خالد إليا منه تكلم = يركب السرج بظهور السبايا
من يبي السلم يبشر بالسلامة = ومن يبي الشر تكشفه المرايا
لو تخفى عليه الله أكبر = واحد عالم سر الخلايا
كلكم يا هل العوجا ذرانا = خير للشعب تعطون العطايا
من يتيم رفعتوا منزل له = عاش بالدار صقره والحدايا
لك نبايع ولك ناخذ ونعطي =في لحمنا بدمه والعظايا
تم قيل نظمته لابو متعب = والد ما نبي غيره سوايا
لو نقلل بها ولا نكثر = ما لحقنا بوصفك بالحلايا
واختم القيل بالهادي محمد = عد ما ناح ورق بالسجايا

[/poem]