محاورة شعرية بين الشاعر : منصور العتيبي والشاعر : حمود بن حفر
منصور العتيبي
والله اني كل ماجيت ابلعب يارجال
اعترضها واحدن مايميز ردهااا
الشعر ماهو بلعبة كوره بالمونديال
كلمة الشعار مثل المهند حدهاا
حمود ابن حفر
ابشر بعزك ومثلي بيفتح لك مجال
لين نفسك يالعتيبي تبيح سدهاا
الشعر يبغئ زحازيح تشتل الثقال
مايبئ ناسن يداها توسد خدها
منصور العتيبي
اعرف انه مايشيل الحمول الا الجمال
كل كلمه عندناا فالملااعب ضدهاا
ماشرينا الا ثلاثه وقيمتهم ريااال
بارك الله في جمالن تقوم بشدها
حمود ابن حفر
دام تدري فك باب الجواهر والخيال
والكفوف البيض للكف الايمن مدها
احتفظ بام الثلاثه وخل ام العيال
مانبئ مزح السوالف يخالط جدها
منصور العتيبي
البروق اللي تكاشف علئ صدر الخيال
وش جهتهااا يوم تدري وتفهم سدها
خلها بيتن لقي والجوااب امن السوال
العرب ماودها والنصاارئ ودهاااا
حمود ابن حفر
البروق اتلوح والشك مافيه احتمال
والفطين ابصر جهتها وفكره هدها
كان ضلت مستزاله وشام ابها الزوال
العرب صفر لها والنصارئ غدهااا
منصور العتيبي
اختلط دم الوضيحي علئ دم الغزال
البيوت الوااافيه ماعرفت اتعدهااا
الهبايب تصطفق من جنوب ومن شمال
كل كلمه تستحي من هدفها بدهااا
حمود ابن حفر
يالعتيبي منقع الرس مايسقي زلال
والعوارف تايه العقل ماهوو ندها
الهبايب ماتزعزع شوااميخ الجبال
علم اللي لاتقديت به ماقدهااا