قصيده لا اعرف قائلها ..... ولكنها جميله ومناجاة رائعه
[poem=font=",6,,normal,normal" bkcolor="black" bkimage="http://www.aljmeel.com/vb/mwaextraedit2/backgrounds/2.gif" border="double,4,black" type=0 line=1 align=center use=ex num="0,black""]
يا طير تكفخ ما تبي كف راعيك =وقبل أمس تكفخ للعلف فوق كفه .
لي صاحبن يا طير يشبه مواريك=وليا نكر محدن عرف وين شفه .
لو منت طيري أشهدنه بناخيك = ولو هو طير أقضيت عمرك بصفه .
عليه طلت وجه والله تخليك= أن شفتها ما عاد وجهك تضفه .
يا طير كان الصيد متعب أياديك =هذاك صيده لالتفت له يكفه .
صيده يجيه أقلوب ضميا مهاليك = يوم أن جنحانك لصيدك ترفه .
أقسم قسم لو بس مره يناديك = وإلا يلوح لك بشيله ولفه .
وانت عاد تفهم وش يسولف محاكيك= أن كل من يوقف بوجهك تزفه .
تصيح بعلا الصوت مابيك مابيك = وأن صمل برايه بوكرك تهفه .
وكانك خسرت اللى تحبه ويغليك = ماي البحر حرة خفوقك تجفه .
تحس من ضيقتك ما تدرى شفيك = عقلك يصيبه من جفا البعد خفه .
يا طير لو تدري بغلا قلب راعيك = حرام ما تكفخ قهر فوق كفه [/poem]
وسلامتكم