محاورتي مع غنمان الغانم

محاورتي مع الشاعر غنمان الغانم


غنمان الغانم


جو الفراغ وسكتة الليل والشوق ---- تجمهرو قـــدم الجروح القديمه

يافهيد سدي داخل الصدر مفهوق---- اخاف في سرده عواقب وخيمه


البيطار


جو القصيد وزان لي فيه طاروق++++++ردن على اللي يشتكي من غريمه

غنمان يامشكاي والوقت ملحوق+++++اصبر عسى صبرك يجيب الغنيمه


غنمان


ماخابت الهقوه بشرواك ياذوق ---- وانت من اللي يستحق الحشيمه

دون الغنايم وقفت عزتي عوق ---- حت الصبر عيا يمــد الكريمه


البيطار


اقفل على ماخفيت حطه بصندوق ++++++++ خل الظلام يخفي وربه عليمه


فهمت انا قصدك بالابيات مرفوق+++++++ ماكان مغطى له رجال(ن) فهيمه


غنمان

وجهي من الكتمان ياصاح مصفوق ---- حال الكريم اللي تجيه الشتيمه

سدي مثل دمي مسجون بعروق ---- محد درابه كـــــــود معطي نعيمه


البيطار


حاول على النسيان والرزق من فوق ++++++عند الولي طب الجروح الاليمه

ماصاربك ياصاحبي فيه مسبوق ++++++قبلك كثير اللي شكى من غريمه



غنمان


لو اقدر النسيان ماجيت محروق ---- نسيان من وقتي غدابه جريمه

مارقت من كثر الطواري ولااروق---- دام انحرت ذكراه حلق العزيمه


البيطار


انا بعد مثلك بي الطاق مطبوق++++++في داخلي ياخوي امورن عضيمه


شيأ جرالي يافتى الجود مايلوق+++++وحملت انا ماصار غبن وظليمه


غنمان


سجل عشقي بكرت الاحزان مرفوق---- وميلاد ذكرى من ترك لي جحيمه

اسوق حظي صوب الافراح واسوق ---- ويوقف مرور الجرح واخذ قسيمه


البيطار



دام البقا لك وانت بالشعر مرموق++++++ابيات جتنا منك والله سليمه


الشعر وهبه ماشريتوه من سوق++++++شاعر تحدي ياابو فيصل صريمه



غنمان


لوادري انك من عنا العشق مدقوق---- ماجيت لك اشكي وحالك سقيمه

الحب له دستور مايعطي حقوق ---- يعني من الشكوى كسبنا حريمه


وسلامتكم