صاحبي لا تلحق الدنيا حسااافه
لايسج بنا هديل الراعبيه
ياعشيري وش بقا شين نخافه
بالدروب الموحشات السرمديه
مادريت انا تقاسمنا المسافه
نص لي ونص عليه
ليه امل من الطريق وليه اخافه
والمدى قيض وسراب ومهمهيه
ماورى ربع الطعووون الا الكسافه
كل ما اذبه واشيل السامريه
وانت ياطهر الصباح وعفافه
لاتصافحني بحد الحضرميه
لايغرك نبض كفي وارتجافه
ضاق بي قلبي وشلته في يديه
{مــــساعد الرشيدي}
~~~~~~~~~~~~~
رد الشاعر
{نايــــــف صقــــــر}
صاحبي لا عاد تشعبها مسافه
وانت تاركني على ورك المطيه
لاتعرضنا المضامي والكلافه
وارتحالات السراب السرمديه
اترك الوادي وتغريبة ضفافه
للدفوف واللحون السامريه
العتب قد قلت لك ماني بخافه
انا اخاف الي يقفي عن خويه
والشتا لاجاك في برده صلافه
سامر الموقد وزر الفرمليه
والخريف ان حت في كفوفك جفافه
قابله بالحب وعيونك نديه
قيس ليلى نبضه في صدر قافه
قد نقشها فالصخور العامريه
واصبحت لبلى الحقيقيه والخرافه
لاهي الدمعه ولا العين الخليه
لو كلامه مر برقبة الزرافه
ماتعجرف بالطروق العجرفيه
بنتلاقى قبل الارض من الحسافه
دامنا خلان وقلوبنا نديه..
آخر 10 مشاركات
الإهداءات
منذ /18-10-2012
لايغـــــركـ نبض كفـــي وارتجافه ضـــاق بي قلبي وشلته بيديه..
العرض الشجري