المقلب الثامن (خليتني افكر بكل الناس)

حياكم الله

معكم مذيعكم

ابو راشد

اليوم

انتم على موعد

مع مقلبنا الثامن

والذي هو بعنوان

(خليتني افكر بكل الناس)
ماخوذ من كلام الضحية

اللي ساعدنا على شرشحته

أخينا ومشرفنا
falah

المتخصص لشرشحة اهل رفحاء

اللي هو

v

v

v

v

v

v

v

v

منيف الجميلي

يالله نبدأ على بركة الله
..............

السلام عليكم ورحمة الله وبركاته

اخوي منيف الجميلي اخبارك عساك بخير

في موضوع

ودي اكلمك عنه

وينك انقطعت عنا

صراحة من فترة ودي اراسلك لكني متردد

بس خله بيني وبينك سري

اوكيه
...................
ماعليش ياابوراشد انا اسف ماانتبهت والله

و مااجلس على الكمبيوتر واجد

[align=center]امــــــــــــــــــرني[/align]

هلا وغلا فيك ياابوراشد
امرني انا حاضر
باللي تبيه
.........
هلا فيك اخوي منيف
انا عندي عتب عليك وابي ادخل في الموضوع علىطول
بس ودي انه يكون سر بيني وبينك
ما ابيه يوصل للادارة لخلف وابوعبدالرحمن
هذا الله يسلمك جاني واحد من الأعضاء الثقات
وقال لي بالحرف الواحد
ان منيف يقول عنك كلام
بس صراح! انا ماصدقته إلا يوم حلف لي بالله
يقول انك قلت عني ان ابوراشد مايستاهل يصير مشرف
وانا اولى منه ومسجل قبل ابوراشد
انا ودي اعرف يامنيف وش بيني ووبينك! تعرفني اعرفك!
صراحة من قالي هالكلام قررت انا اطلع من الملتقى كله مرة وحدة

والسبب كلامك ياخي اذا عندك شي قوله لي بيني وبينك
وصراحة انا بالي ماهو مرتاح
ويم شفتك داخل المنتدى قلت لازم اراسله
ومثل ماقلت لك سر بينا
...........................
تشوف حنا برمضان وانا صايم الان والله ماقلت الكلام

افااااااابس واصلا ماقصروا مبطي الاداره
قالو لي تبي مشرف قلت لا والسبب

لاني مااتواجد بشكل يومي لكن اللي قالك يكذب

ولا عنده سالفه ويكون بعلمك لوابي مشرف

بكره صرت بس ماابي

......................
يامنيف هي ماهي سالفة اشراف وما اشراف

لكن المشكلة ان الرجال كبير وابو عيال
ويحلف بعد واعرفه زين صدوق
وعليه سمة الصلاح والخير
...................
واقول لك شي ثاني بعد بس بالله عليك بيني وبينك
في واحد بعد ثاني من ديرتكم
قال لي تقريبا نفس الكلام.

.........
يامنيف لا تلحف انت صايم
يمكن قلت شي وانت ناسي
........
ليه يامنيف وش مصلحتك من هالكلام
واناصراحة دايم افكر ولا انام زين على شان

احصلك الصبح واراسلك
واليوم آخر يوم معكم بالملتقى
وانا رجال ابسحب نفسي
ولا ودي يدري خلف والشباب
...............
لا اله الا الله

ياابوراشد ليش شبي فيك انت يعني

واااجدالمشرفين

وبالعكس انا اثني عليك
وودي تواجهني بهم لازم ضروري

هذولا ماهم رجال صراحه

.................
منيف اسمح لي ما اقدر اواجهك باأحد
لأنهم أصلا قالوا لايدري منيف
بس قلت انا لازم اتأكد من الرجال نفسه
ما قدرت اتحمل
عموما تراي مسامحك عن اللي قلت
ومع السلامة
انا طالع من الملتقى كلش بسكوت
ولايدري احد بالسالفه
..............
الله لايوفقهم اللي قالو لك الكلام هذولا مفسدين والله

............
وشكله زعل وطلع الرجال الله يستر
وارسلت له هذي الرساله بعد ماخرج من الملتقى
.....................
عوذ الشيطان اخوي منيف تراك صايم
ولاتنفعل الله يجزاك خير
تبي الصراحة لاجاني احد ولاقالوا لي شي
كنت معنا في برنامج يوميات ابوراشد
كاميراالخفية
ههههههههههههههه

سامحنا الله يغفر لك ولاتزعل علينا
شكلك منت ناوي تكمل البرنامج معاي

هههههههههههههههههه

اخوي منيف كنت معاي ضيف خفيف

راح نعرض مقالبكم في الأيام القادمة من شهررمضان

اتمنى انك مازعلت مني

واهم شي يااخوي

مافي احد من الاعضاء يدري عشان اسوي فيهم المقلب

وياكلونه مثلماانت اكلتها

بس بصراحه ماتوقعتك كذا

هههههههههههههههه
لا ودعائك عليهم

بالله عوذ الشيطان
كنت على طول بقولك السالفه بس قلت خلني اكمل معاه

اشوف ايش يسوي بس الظاهر انك زعلت مني

اهم شي ماتزعل واسف على الازعاج يااخوي
بس بالله عليك لاتقول لأي واحد من الاعضاء عشان اسوي فيهم مقلب

اوكيه يااخوي اتفقنا
والله انك صادق يالغالي

تحياتي لروحك الطيبه

وفي الأخير تسمح لي أعرض الحلقة؟

ومن تبغى نسوي فيه المقلب
..................

انتظرونا
بعد
الفاصل

لتكملة المقلب

حياكم الله من جديد

...........
وبعدين جتني رساله من أخينا الفاضل falah
يقول
(ابو رآشــد دق عـلي منـيـف
ههههههههههههههههههههههههههههههههههههههه

يقـول انت قايل لأحـد كـلآم عـن الاشـرآف

ههههههههههههههههههههههههههههههههههههههههههههههه

الله يسـتر

..............
الله يستر شكل الرجال زعل
هآآآآي

.....
ورديت على فلاح
فلاح لايكون قلت له

دق عليه وقله يفتح


لأني أرسلت له رساله خاصة
وشرشحته لك مثل ماشرشحتك قبله



ههههههههههههه

بس شكله زعل


بالله عليك استعجل خله يفتح الرساله
..................
رد علي فلاح وتعرفون اسلوب مشرفنا الغالي
فلاح لازم يجب هالحرف
(آ)
هههههههه

سامحنا
....................
انـآ قـلت لا والله مـآقلـت لآحـد ذا الكـلآم وخبري بـه قـآل انـه يبـي ينـآم
..........
نومة العافية الله يستر لايكون نام زعلان
ترى الى هالحين مافتح الرساله ابو الشباب
.......................
وارسلت لفلاح
حاول بالله معه يفتح هالحين

تكفى لايكون زعل

............
انقلبت بيني وبين فلاح
هههههههه
وارسل منيف بعد ماصحى من النوم هذي الرسالة
..................
ماهي مشكله اعرضها الله يهديك على الصبح خليتني

افكر بكل الناس اللي معي وخوياي اعوذبالله من الشيطان الرجيم

...............................
ثم بعد ذلك بـ24 ساعة ارسل لي أخينا منيف رسالة
وكان عنوانها(مهم جدا) يقول فيها
.....
ارجو يابو راشد عدم عرض المقلب
على طول رديت عليه
اخي منيف الحلقة تم تصويرها خلاص وواخراجها
ولم يبقى سوى عرضها امام الجميع


ههههههههههه
بعد اذنك الله يغفرلك انت ما جاك شي
غيرك راحوا فيها
ووافقوا على عرض المقلب
هاه وش قلت نعرضه ان شاء الله مانت قايل شي
.................
ورد علي على طول
..............
شف كان معي اكثر من شخصين اعرضه

اما غيرها لا


وابيك تسوي مقلب بfalahاوكي
................
ورديت عليه بعد ما وافق الرجال
يامنيف قبلك تقريبا عشرة واولهم فلاح اللي كلاها
..........
بالله عليكم شوفوا وش رد لي
مبسوط على فلاح
ههههههههههههههههههههههههه


كانها كذا اعرضها


............


الى هنا وصلنا الى نهاية هذه الحلقة



نلقاكم على خير



واعذرونا على القصور



لأن بعض الشباب



مايرد على الرسايل



الا بعد ايام


..............

ابوراشششششششششششششششششششد


وش سووويت بخلق الله الله يهديك


منيف رجل وموقفه مووقف رجل واثق من نفسه مشااااء الله عليه

والله كل الشباب اللي انعرضت مقاالبهم زااد غلا هم وأحتررامهم لدى الجميع

ودل على صفااء قلووبهم وطهرها

والحمد لله يربطنا ملتقى به رجال ينشد بهم الظهر
الله يديم المعزه والاخوه بيننا

اقتباس المشاركة الأصلية كتبت بواسطة ثاني الجميلي ابوراشششششششششششششششششششد وش سووويت بخلق الله الله يهديك منيف رجل وموقفه مووقف رجل واثق من نفسه مشااااء الله عليه والله كل الشباب اللي انعرضت مقاالبهم زااد غلا هم وأحتررامهم لدى الجميع ودل على صفااء قلووبهم وطهرها والحمد لله يربطنا ملتقى به رجال ينشد بهم الظهر الله يديم المعزه والاخوه بيننا

حياك الله ابوديمة

كلامك في محله كلام ذهب

جبتها على الجرح

فعلا اكتشفنا اننا في هذا الملتقى

ان بيننا اخوّة متينة

حتى ولو كنا لم نرى بعضنا البعض


لايدنسها كائن من كان
............................
هذه هي حقيقتنا

الحمد لله

ههههههههههههههههههههههههههه

دايم تجي على اللي مايبي الشخص

الله يعطيك العافية


ومنيف رجل بمعنى الكلمة

يعطيك العافية على جهدك وسعة صدرك
اهنيك على ذلك واكثر الله من امثالك

ههههههههههههههه
منيف مايحتاج
كلنا اكلناها
تعيش وتاكل غيرهاااااااااااااااا