البارحه

الـــســلام عــليكــم ورحــمة الله وبــركاتــه

يالله ياجزل العطا عالم الخفا
حيث انت بسرار العباد خبير

يالخالق المعبود عطفك ورحمتك
يالواحد اللي ماسواك خشير

البارحه يوم اكثر الناس رقدوا
يوم القمر فوق الغيوم يسير

نوبـ(ن)يبين وبعض الاحيان يتقي
في دبرت اللي ماعليه عسير

رفعت كفي ثم هيضت عبرتي
غدالها بين الضـلوع هـدير

فـكرت بالـدنيا كـفاالله شــرها
يالله من جور الزمـان تجير

وايمنت لو(ن) نملك البر والبحر
انت الغني واغنا العباد فقير

ياحي ياغـيـوم ياخالـق المـلى
تثيـبنا يـوم الحـساب عسـير

تاسف لملهوفـ(ن)غدا يشكي العنا
من حر لوعـات الزمان حـسير

وخلاف ذا عبرت مكنون خاطري
ولاني على شون العبان بصير

دروب العلا ماكل حيـ(ن)يطولها
وشلون مـكسـور الجناح يطـير

ولاكل من خاواك يذكر جمايلك
ولا كل وجه من الوجيه سفير

ياكثر سدقان الرخا وقت الفضا
تقـول هـاذا ماسـواه يـصـيـر

ويبين لك في حزة الضيق صاحبك
لاصرت مـن جور الزمان كسير

والا الردي لحدك الضيق وضهد
ارشاه دون الطـايلات قصــير

مايحسب الايام لو صد واغتنا
لابــد لو طـال الـزمان تــديـر

وان ساعف اللي فوق الاسلام معتلي
اللي على ذنـوب الـعبــاد سـتـير

لاحط فيهم مضرب القول والمثل
جرحـ(ن)على طول الزمان غزير

مثايلـ(ن)مضمونها جاهلـ(ن)بها
شخصـ(ن)عن الدروب الرجال عثير

الشاعر.../ سالم الطرقي الطرفاوي..!

الشاعر.../ سالم الطرقي الطرفاوي 00يعطيك العافيـــــــــــه

يعطيك العافيه وصح لســــــــانك
على القصيدة الرئعه
حقيقه طلعتنا من جو الملتقى

صح لسانك ملايين

صح لسانك على هالقصيدة الرائعة

ما شاء الله عليك

إبداع متواصل

وفقك الله

يعطيك العافيه .....وصح لسانك

يعطيك العافيه وصح لســــــــانك
على القصيدة الرئعه

صح لسانك وعلا شانك

قصيدة جزلة تشكر عليها

الشاعر سالم الطرقي متميز دائماً

</i>