آه من عبرة ( سعود بن حفر )

هذه القصيدة للشاعر الكبير : سعود بن مسيعيد بن حفر الجميلي ، وهي من القصائد القديمة التي احتفظ بها من زمن قديم ، أي أن أنها من محفوظاتي ، ولمن ينقلها جاهزة يتحتم عليه ذكر المصدر

وفق الله الجميع ، وأترككم مع هذه الرائعة


[poem=font="mateen,6,indigo,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
آه من عبرةٍ بأقصى الحشا جاك ما به=قمت أجاوب عوى سرحان وأقنب قنيبه
قمت أجاوب من العبرة هليك الذيابه=قيمة أربع ليالٍ مفخت من عزيبه
يوم عدى على مشراف عالٍ رقابه=لأن الأزوال وقت عصير حزت مغيبه
وانهزم للغنم من يوم غابت كلابه=وأظلم الليل والرعيان جتهم مصيبه
شاطر الناب لا جا مقضب ما يهابه=يمزر الديد لان الديد ينبع حليبه
ضاري بالعلف من يوم علق بنابه=أسحم اللون سرحانٍ ورى هقوتي به
من عشيرٍ يحايلني وأنا أدرى جنابه=ليت سود الليالي علمني بغيبه
إن بغانا شفقنا به وقلنا هلا به=وإن جفانا بنو الخير جذل الذويبه
بس يلعب بقلبي مثل لعب الكعابه=كل ما أربح بشيٍ شفت منه الغليبه
والله إنه عزيز لو تنحى ركابه=ساطيٍ بالغلا حبه نهبني نهيبه
لو تقولون غادي قلت أنا قلتها به =ما علي من هوى زين التواصيف ريبه
ولو تعذلون قلبي عن طريقٍ مشى به=وعن غلا الترف ما من شيٍ أنا ألتهي به
[/poem]

تسلم يابو سلطان على حفظ الشعر

وصح لسان الشاعر سعود بن مسيعيد

صح لسان الشاعر

ويعطيك العافية ابو سلطان على حفظ الموروث الشعري

بـس يلعـب بقلبـي مثـل لعـب (الكعـابـه)
صح لسان الشاعر الكبير
وتسلم على النقل
(بس ياليت أحد يوضح معنى( لعب الكعابه)

تسلم يابو سلطان


على الاحتفاظ بالاشعار الاصليه


وصح اللسان الشاعر : سعود الحفر


والله يطيل بعمر


والف شكر لابو سلطان


وربي لاتحرمنا من جديدك

قصيدة جزله من شاعر جزل ... صح لسانه

ابو سلطان تسلم يمينك على الجهد والاهتمام ... وفقك الله

شكرا لك ابا سلطان على حفظ التراث. ... جهودك وافره

اقتباس المشاركة الأصلية كتبت بواسطة الـراوي تسلم يابو سلطان على حفظ الشعر وصح لسان الشاعر سعود بن مسيعيد

الله يسلمك يالراوي

وأشكرك على المرور