قصيده في رمضان أحد سجناء أمريكا

السلام عليكم ورحمة الله وبركاته

هاذه قصيده للشاب السعودي نايف اليوسف

يعاني فيها من الغربه ويتمنى الصيام مع اهله والصلاه في أرض الوطن ومع بداية شهر رمضان كتب هاذه القصيده


لا أعلم أن كانت القصيده كتبها خلال رمضان السابق أم حالياً

يقول فيها



سادس سنه في ديرة الغرب مسجـون
سجـن الغثـاء والبهذلـه والأذيــه
سجانهم قلبه من الكـره مشحـووون
عنـده حياتـي أو مماتـي سـويـه
هذا رمضان اقبل وأنا فيـه محـزون
يـارب هـون مشكـلاتـي علـيـه
وسط السجن مابه معي من يصومون-
مسلم ومـن حولـي وجيـه أجنبيـه
دايم حزين وضايق الصـدر مغبـون
مليت مـن جـو السجـن والأسيـه
يمه كفايه وقـت الإفطـار تبكـوون
تبكـون نايـف مالـكـم مقـدريـه
ودي يايمـه بينكـم بـس وشـلـون
ودي بتمـره مـن يديـنـك هنـيـه
يمه فطوري خالي الطعـم واللـون-
مشـتـاق للمـرقـوق والمحلبـيـه
مشتاق للمسجد مـع اللـي يصلـون
اصلـي الأوقـات صبـح وعشـيـه
ودي معي في ليلـة القـدر تدعـون
ينفـك قيـد اللـي حياتـه شقـيـه
يالله يارحمـن ياخـالـق الـكـون
تغفـر لعبـدك كـل ذنـب وخطيـه
وصيتـي تكفـون لامـت مـدفـون
في دار ابـو متعـب ديـار الحميـه
منقول