ليت الكلام اللي بقلبي ياصله من دون صوت للشاعر محمد سعد المسيعيد

ليت الكلام اللي بقلبي ياصله من دون صوت
.وليت العتاب اللي بعيني ناظره عمي نظره

.دايم ليــا مني تــحرّيــت اللقا اشوفه يفوت
.ليت الرســـايل تــشفق لــحالي وتــاتي بخبره

.غيبته جابت لي كلامه والكلام اصبح سكوت
.شـــيّدت له قـــصر الغلا ثم غــاب عنّـــه وهجره

.اقبل ما دام العمر ورده يانعه قبل البهوت
.دام المساء باول حضوره معك خلنا نسهره

العب لي اكّات الغلا واعطيك عشرات البلوت
واللعب صـــن و فوزنا ســـته و عـــشره وعــشره

.هدّ الجفا قصر الغلا و اصبح كبيت العنكبوت
.لاتفتح ابوابك لعصف البُعد واهل السمسره

زرعت فيك الوصل لين اني هقيت اجنيك توت
و بالصّد تـــجزى اللي يحبّك لـــين كسّرت ظهره‏

دم الكـــرامة في عـــروقي حــيّ لا يمكن يموت
اقـــبل تــــرى ما كـــل يـــوم الـعفو عند المقدرة ‏
. .‏

الشاعر/ محمد سعد مسيعيد الحفر