قصيدة شنوف العريفج

[frame="1 80"]

[poem=font="Simplified Arabic,5,black,bold,normal" bkcolor="transparent" bkimage="" border="groove,4,tomato" type=2 line=0 align=center use=ex num="0,black"]
[poem=font=",6,darkblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ما اطيعكم ياهل القلوب المهابــــــــــيل =ولاطيع هرج مضيعين السلومـــــــي
لو كان مالي بالبداوه محاصــــــــــــــيل =ابي البداوه دام رجلي تقومــــــــــــي
والله يالولا منزلٍ بالدهاكــــــــــــــــــيل =وشوف الفياض ونطتٍ بالرجومـــــي
ما ارفع عمود البيت ولا اقني المعاميل= وأجوز عن كل البداوة عمومـــــــي
مير البلا لا طاح وبل الهمالـــــــــــــيل =والخد لجّت من نبات الوسومـــــــي
قلت ارحلوا دنّوا لنا حامل الشــــــــيل =النبت زان وطاح وبل الغيومــــــــي
شوف النبات ومشيةٍ بالهذالـــــــــــيل=يغدي النحوس ومبعداً للهمومـــــي
يازين صوت النجر مع فصلة اللــــــيل =في مجلسٍ عن الهيوس محرومــي
ودلال تشكي الظيم من زفرة الــــــــهيل = وفنجالهن عن الحراق محكومــــي
ندغث لهن الهيل مبهارهن كــــــــــيل = ولاهو بعن عمالهن محزومــــــــي
مجدوع عند النار عدلٍ ولا شيل =ولا دوروه ملفلفاً بالهدومــــــــــي
عابينهن لأهل الندى والمشاكيـــــــــل = ايضاً ولاهن مدهلٍ للرخومـــــــــي
ولابي على خطل الأيادي تنافـــــــــيل= مير إن نفسي للمراجل تهومـــــي
يالله لاتجعل لهيسٍ تفضـــــــايل= يارازق اللي بالخضيرا يحومـــــي [/[/poem]poem]



الشاعر / شنوف العريفج الجميلي . [/frame]
رحمك اللة ياابوعريفج