قصيده \ شفاقه بن مبيريك البادي الجميلي

هذه القصيده للوالد شفاقه مبيريك بادي الجميلي

وهذه القصيده لها موقف

ويقصد فيها ابو نواف اخيه جبر مبيريك بادي الجميلي

ويقصد ابو برجس ابن عمه سعييد بريك بادي الجميلي

ياراكب جمس ٍ جديدٍ على الكيف ^^^ فوقه غلام ٍ كل دربٍ يدله

يلفي لابو نواف هو مدهل الضيف ^^^ اللي لا جينا مجلسه مانمله

الباب من دوني مسكر على السيف ^^^ ابيك يازبن المعادي تحله

نبي نتمشى بسط هاك الطواريف ^^^ حتى يطيب القلب عن سجة ٍ له

معهم ابو برجس زبون المشاعيف ^^^ يذبح لك الخرفان مع زين دله

الطيب ماهو بالمجالس سواليف ^^^ الطيب بيــِـن والنشامه تدله

انا شفاقه مثل ذيبٍ لا شيف ^^^ اضوي عليهم فوق جمس ٍ واتله

اسري واغني فوق زين التكاليف ^^^ يوم الردي ياخوك بطنه يحله

وانا احمد الله يوم جت لي على الكيف ^^^ القلب خليناه يلحق هوى له

الله يعز ملوكنا هم هل السيف ^^^ فهد ملكنا عل عمري فدى له

ولي عهده مثل حر المشاريف^^^ اللي يتعدى الحق بخلبه يشله

دورياتنا من باب سلوى لطريف ^^^ يمش ٍ بامر نايف ويرهب عدى له

وسلامتكم

صح لسان أبو مبيريك

والنعم بالممدوحين


قصيدة جزلة

الله يعطيك العافية يا بن شفاقة

ينعم بحالك خلف المهدي

بارك الله فيك

صح لسان ابو مبيريك قصيدة جزلة من شاعر جزل
تسلم يمينك ياابن شفاقة

صح لسانك ولسان أبو مبيريك قصيدة جميلة ونعم بأبو مبيريك

شكرا لك يا بو تركي على تواصلك الجميل

دمت بود

صح لسان رجل الكرم والجود ابو مبيريك
ويستاهلون المديح ابو نواف وابو برجس

صح ابدانكم اخواني المستشار الباحث صلاح المحارب الامير


بارك الله فيكم ماعليكم زود

مشكووور على القصيده الجميله

صح لسان ابو مبيريك

لاهنت