عام 1404هـ كنا قانصيين انا واخي تموز خلص علينا الغاز وحنا قوانيص وجينا بنصلة المعيقلي
وبعد مارقيينا على النصله حصلنا حطب على راس النصله مخبى بالنصله ونزله لي تموز وبعد ما خلصنا غدانا
وهو حمام قميري وبعد الغدا رقيت على النصله وحصلت عقاب يحوم فوقي تذكرت الجماعه وقلت هذه الابايات
[poem=font="times new roman,6,blue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
امس الضحى عديت لي راس جذاب=مشليدن عنه الرجوم اختفني
وهيضة في راس الحجا كل ماطاب=وابديت به ماكان قلبي يكني
واقول يالجذاب ماشفت الاحباب=ماكن مرتك الزوامل تحني
لشفت انا رجلي ولا شفت حطاب=ولوحيت انا فوق الرجوم المغني
ياعقاب بالله كوسر الحوم يعقاب=على الجماعه صار بالراس جني
اقفت بهم سود الليالي والاسباب=ياحيف كيف مقورهم يدفنني
من الغبباشه لين لينه الليا نصاب=مداهلن لربوعنا شبكني
وهذا زمانن عذب الذيب والداب=وحتى سباع الليل منه اشتكني
يالله يللي تفتح الرزق والباب=ترحم نفوسن لزعل يدمحني
وهذا كلام اللي من الوقت منصاب=ولو اتمنى مايفيد التمني
[/poem]