قصيدة وطنية

[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=0 line=0 align=center use=sp num="0,black"]
بادي بالله واباجيبيلي كم كلمات=بالملوك اللي على درب أبوهم مقتدين
وزينه عبد العزيز الملك قبل الممات=وزال عنها كل حاسد وشيطانٍ مبين
يا عساله منزلٍ بالجنان العاليات=ادعوا لعبد العزيز الملك يا المسلمين
وعقّب عيالٍ مشت بالدروب الطايلات= يا عسى حكم الوطن حكمهم كل السنين
هم ذرانا نورنا عن ليالٍ مظلمات=نورهم شرقٍ وغربٍ علينا منورين
يا عسى من حارب اخوات الأنور للشمات=حدّر الله منزل اللي يبيهم مبغضين
السباع عيال سبعٍ فعوله ماضيات=خاض فيها لين طوع بها اللي ما يلين
وسيفه اللي لا ضرب فيه خلاهم شتات=أخدمت له كل فرّيس نجد موقعين
وبعده سعودٍ مشت له حساني وصدقات=يا عسى له منزلٍ في رياض الصالحين
وفيصل اللي راح عله بخير ورحمات=وافيٍ بالباس والراس والضلع المتين
وخالد اللي بالكرامة علومه طيبات=يا عسى إن ملوكنا الراحلين مخلدين
الفهد حلال عقد العقود المشكلات=درع نجد اللي عن الخوف محصنها الحصين
وكل ما قلته على الصدق والعلم الثبات=يدحر المبغض ومن خان وابليس اللعين
وابو متعب وافي الشَّبر عند المعسرات=وافيٍ بالعهد يرفع له المجد الأمين
وابو خالد ينطح الموجبات الكايدات=ريّس الطِّـيْران بالمجد بالعالي يبين
يعتبي للي يبي نجد عبر القارات=من صورايخٍ تشيل المعادي ما تلين
دون نجد جنودها والمدافع حاظرات=بامر سلطان تحضر الجنود مدربين
ولا مشى الطيران والجيش فيه مدرعات=في سبيل الله يمشون وهم موحدين
وبالنهار وبالمساء تتصل بمخابرات=عزهم ربي على اللي يبيهم مبغضين
ولا مشت قواتهم صار للقاع رجفات=بس تسمع للمعدات لجات ورطين
وجنبها الرادار يكشف بكل ملاحظات=ما خفاه من الوطن كل شيٍ له يبين
والسعود عيونهم من ورانا ساهرات=المواطن راقدٍ بالأمان وممنين
ثبتوا ساس المعزة وصار لهم ثبات=واحتموا نجد عن المشركة والكافرين
وحطوا أرزاقٍ تقسم مثل شط الفرات=من جميع أرزاق ربي علينا مرتهين
وعندنا البترول يمشي عيونه جاريات=وما تبي بالمملكة كل شي موردين
والحدود من الحديثة ليا أبها واسعات=ونجد زانت والبست عزها من كل زين
وبعد هذا لابو خالد رفعت التهنيات=بالسلام وبالتحيات له مستقبلين
والختام أختم كلامي بديني والصلات=على محمد سيد الأنبيا والمرسلين[/poem]


[align=center]الشاعر / سعيّد محمد الجميلي[/align]