قصيدة المجلس البلدي

هذه القصيدة قالها الشاعر الكبير / محيا بن شريدة الجميلي أيام انتخاب المجلس البلدي


[poem=font="times new roman,6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بادي بالله الوالي وبه نستعينا = واذكر المعتلي راع الثنا والفضايل
ضامن جنة الفردوس للمتقينا = يوم يحشر عباده بين عدل ومايل
اتكلنا على رب الملا واكتفينا = قبل نبدا الكلام وقبل نبدا المثايل
جت على ما يرام وجت على ما بغينا = قلت قول يجمل له ثبوت ودلايل
باركوا للمرشح صار منا وفينا = يا عيال الجميل ويا كبار الحمايل
نفتخر بالجميع وكل ما قلت فينا = ونعم بعيال عمي يوم صايل وجايل
يوم صايل وجايل في قديم السنينا = افتخر يا شباب بفعل أهلك الأوايل
يوم ربعي هل النخوة دعونا وجينا = لحفلكم يا صناديد الرجال الأصايل
بالتفرق وتفخيذ العرب ما حكينا = قصدنا ارضى النفوس اللي يلم القبايل
جعلكم جعلكم بالمنتخب فايزينا = وللمرشح يسجل مع هل الطيب فايل
عقب ذا دام وجه الله وحكم علينا = حكمكم يالسعود معدلة كل مايل
مشوا الشرع والسنة وفيه اهتدينا = زالوا الشرك عنا والبدع والضلايل
شجعونا وعاهدنا وفيهم رضينا = غيرهم ما نبي من كل دولة جمايل
إن دعونا على خير وشر مشينا = عودنا والشباب ومترفات الحلايل
ما قضبنا من الدنيا وحاشت يدينا = فيه نفدا الوطن وأهل الوطن ما نسايل
دولة جارها الله عن وذى الحاسدينا = حدر سيف الكريم اللي عيونه تخايل
الوطن والعقيدة له حقوق علينا = مع نظام السعود أهل السيوف الصقايل
واجبة مثل حج البيت فرض علينا = ما نطيع بوطنا حكي قول وقايل
[/poem]