محاورة شعرية بين الشاعر : مطر الطرقي والشاعر : البغاشي
مطر ال طرقي
الا ي البغاشي مرحبا ي صباح الخير
سلامي سلام " يطرب الذيب لاوصله
نبي ناخذ لنا طرق عل الطروق تسير
ومما طراء لك ي ابيض الوجه قم جبله
البغاشي
ترحب وتبقى والمعاني لها تبرير
الافعال مكتمله والابيات مكتمله
الا ي مطر لا شفت شخصا يعكس السير
ترفق وقل قال البغاشي على مهله
مطر ال طرقي
انا ما هرجت الا نعرف الغطاء والبير
وعلمي وصل لك ورخ لا ينقطع حبله
الا ي البغاشي كان تبغا العوالي طير
تسير القوافل والا جاويد منقفله
البغاشي
يقولون ماشال الحموله يكون ابعير
وانا ابعير وارخ الصوت لا الناس تفطن له
عليك السلامه والمعارك مرد وغير
الارباح محتمله والاخسار محتمله
مطر ال طرقي
احسب العرب تفرح ليا شافت التعمير
اثرها بهدام اقصورها جات منهبله
علي السلام وكان تبغا الملامه غير
عسى انك تخطب البنت وتقدم الدبله
البغاشي
تقوله لكن الخلق ماتقبل التغيير
نصيحه تخليها تداقش على الطبله
انا اخاف لا ونك مثل مايقول الزير
يبي ياخذ ابل القوم والقوم خذت ابله
مطر ال طرقي
على ماتبي ماب ازعجك واجلب التعكير
توكل ترا الدانه بها الورد منذبله
بعد مالفى علم البغاشي نقول كبير
عسى انه يختم القاف والطيب له سبله
البغاشي
ترا الجو صافي لا زياده ولا تقصير
توجهت شرق وصاحبك متجه قبله
لكن ودي انك اتجيب للعلم والتقرير
انا اشوف كن الوضع يلعب به السبله