الشاعر : فواز البريك
يابحر القصيد اللي لك الساحل الممدود
على قولت عيال الجميل ادحم ادحمها
لك الفكره اللي مالها بالهجوس حدود
فخامة قصيد اللي بزعمه يفخمها
مدام البلد مسلم وحكامه ال سعود
ابدعس على خشم الظلاله واعلمها
ولانا لحكام البلد والسنين شهود
تمر الفتن وعقولنا ماتسممها
سلاطين نجد وذروة المجد واهل الجود
على ذمة التاريخ وانا اتذممها
هكالعزوه اللي بالرخا والليال السود
تغير ليال ولاتغير معالمها
من اسطورة التاريخ عبدالعزيز العود
الى يومنا الحاضر على عهد حازمها
على كل مولد صبح فينا الولا مولود
ماننكر يالو الارض تنكر بنادمها
على عهد اهلنا والمواثيق ورث جدود
لنا دارنا محزم وحنا محازمها
سمعنا وشفنا من عداها وش المقصود
عدا دين اهلها قبل تكثر دراهما
من السيف الاملح دربكم يمنا مسدود
مدام البلد في ظل اهلها وحاكمها
ومن به نعاره يقدم وجيشنا موجود
وراياتنا عليا وسلمان مقدمها
.