صبحتك المزن والغيث ياسهلة كريم

بسم الله الرحمن الرحيم

يسعدني ان اقدم لكم هذه القصيده وهي بمناسبة طلعات الربيع وهي قبل خمس سنوات في كريم الله يسقيه بالغيث ويسقي بلاد المسلمين عامه

.................................................. .................................................. .................................................. ........................


صبحتك المزن والغيث ياسهلة كريم.............سهلةٍ فيهابيوت الشعرمثل الهضاب

من صلاة الفجرحتى يجي وقت العتيم..........جعل رب البيت يسقيك من غرالسحاب

يـغـذي الـريـضان هـتان وبلٍ بعد ديـم..........لـين يـسطع لـونـها كـن مافـيها تــراب

تمم الله وصل الارحام والعهد القديم..........مثل وصل قلوب الاحباب من بعد إغتراب

ياكـبيرالـقـدر يـاراعـي الكـف الكريم.........راعي الفنجال الاشقرمثل لون الخضاب

الكرم تاجٍ على روس خلق الله مديم..........دايـمٍ مـادامـت الناس شـيـبان وشـبـاب

كل رجـالٍ يبي حـشـمـته يبقى حشيم.........الـحقـايـق واضحه والسؤال من الجـواب

زانت الاشعارمثل الطريق المستقيم.........تـستـوي عـندي لياصار بالحبل إكـتـراب

والله إن الشرع يفرق خصيمٍ من خصيم....مثل فرق الماس في قيمته ياأهل الحساب

الجمل ماياقـف إلا على العـظم الصميم.....وكل طرقي يـقـطـع الدرب يأخـذ له زهـاب

ياوسيع العرف ياصاحب العقل الفهيم........الـجـهـل يـجـنـي للاجـواد نـكبــات وعــذاب

ياحكيم الشورخلك على الدعوى حليم......لاتـقـول إن الـهوى مـن مـشابه ما يـهـاب

حال مسموم الهوى فيه يحتار الحكيم......عـنـد بـعـض الناس هيـن وسمه سم داب

والله إن الـقـلب صابر وبالعله سـقـيم.......مثل مايـصـبرعـن الـزاد معـلـول الـصـواب

من سبايب واحدٍ صابني واقفى سليم........إنـهـزم قـبـل انـحـرف لـه يـعـلـه للــذهاب

يحسب إني لاقنصت الظبا مثل الغشيم.......ما درى إنا في عـيـون الملا نـقـرأالكتاب

فيه من عين القطامي وزوله زول ريم.....والشعرمـن حـمـرة الشمس قـدام الـغيـاب

عـيـت الايـام تـوفـي غـريمٍ من غـريم........لـيـن نـقـدرنـأخـذالـثارمـن شلفا ذيـاب

أعـتصم بالـله عـن كـل شيـطانٍ رجـيـم......لين نعرف ويش فرق الغدير من السراب

دامـت الافـراح مادام ذعـذاع الـنسيـم........الله إنـه لايـكـدر عـزيـزيـن الـجناب


الشاعر/فهدسويلم النصافي

[align=center]عساها للسيل وعسى الله يجمع الشمل
وصح لســعـــــــــــــــــــــــــــــــــــــــــــــ انك[/align]

عيد الصعصاع

يعطيك العافيه وصح ابدانك

عطرتنا بمرورك ومشكوور

صح لسانك ياشاعرنا